Lideri i PSD’së, Dardan Molliqaj ka bërë një shkrim të ngjashëm me atë të Ministrit të Financave, Hekuran Murati, i cili mbrëmë opozitarët i quajti ‘ushujza’. Por, Molliqaj në këtë rast, pushtetarët i quajti ‘larva’.

Sipas tij, pushtetarët apo ndryshe siç i quajti ‘larva’ kanë zënë vend në plgët e infektuara të Kosovës me mashtrime e premtime, për të cilat thotë se duhet të hiqen.

“Mund të shkaktoj dhimbje e mund të lë vrima pas, por kjo është mënyra e vetme për të shpëtuar trupin nga shkatërrimi.

Një nga një duhet të hiqen krimbat ë verdhë me kokë të zezë, e mbi të gjithë, jo vetëm trupi, por koka e tyre. Deri atë herë nuk ndalemi”, shkroi Molliqaj.

Postimi i plotë:

Larvat, të njohura ndryshe si krimba, janë parazitë që rriten dhe ushqehen në dhe me mishin e kalbur ose trupat e dobësuar të organizmave të tjerë. Ato depërtojnë në brendësi të trupit dhe fillojnë të shkatërrojnë nga brenda, derisa të mos kenë më çka të hanë. Në mish brenda, ato janë të padukshme për një kohë, por efektet e tyre shkatërruese janë të pashmangshme kur dalin në sipërfaqe.

Kur larvën e heq nga trupi, vrimat e mishit të ngrënë mbesin dhe lënë plagë të hapura e të infektuara jo vetëm sipërfaqësisht.

Ngjashëm, që 4 vite qeverisje të kastës së paaftë, në plagët e infektuara të Kosovës, kanë hy e janë shpërnda larva, që hanë mish për vete e lënë vrima pas.

Dhe ngjashëm, kur larvat fillon t’i largosh, kur të kenë dalë në sipërfaqe, kasta e të paaftëve, mashtruesve e gënjeshtarëve, ulëritë se me heqjen e tyre vrimat po duken. Thuase ata vendin e kanë në atë vrimë e nuk vazhdojnë të hanë mish përreth.

Por në fakt, plaga, gjakderdhja e vrima në rastin e larvës janë pasoja të vetë asaj, dhe njëkohësisht treguesi se trupi më në fund nuk do të vrimoset më nga lavrat e fshehura në brendësi deri dje.

Të gjithë larvat që kanë zënë vend në plagëet e infektuara të Kosovës – në shpresën e popullit me mashtrime e premtime – duhet të hiqen. Mund të shkaktoj dhimbje e mund të lë vrima pas, por kjo është mënyra e vetme për të shpëtuar trupin nga shkatërrimi.

Një nga një duhet të hiqen krimbat ë verdhë me kokë të zezë, e mbi të gjithë, jo vetëm trupi, por koka e tyre. Deri atë herë nuk ndalemi!