Sipas “Il Secolo XIX”, Genoa përkohësisht ka ndalur bisedimet me Antioni Candrevan, për t’u fokusuar më shumë te ish-ylli i Premier Leagua, Dele Alli.

Klubi që po kalon në vështirë në këtë fillim sezoni në Serie A, Genoa ka nisur “gjuetinë” për një lojtar të ri, pas lëndimit të rëndë të Ruslan Malinovskyi.

Disa raportime bëjnë me dije se Genoa ishte shumë afër arritjes së marrëveshjes me Antonio Candrevan, por ka vendosur t’i ndalë ato bisedime, shkaku i harmonisë në ekip. Pasi Candreva në të kaluarën ka luajtur për Sampdorian.

Kështu, klubi ka kthyer interesimin kah ish-ylli anglez, Dele Alli, i cili është agjent i lirë.

Anglezi është pa klub që nga qershori, pasi kishte mbyllur aventurën tek Evertoni.

Alli ka 51 gola dhe 34 asistime në 194 paraqitje në Premier League me Evertonin dhe Tottenhamin. Ndeshja e fundit e luajtur nga Alli ishte ajo e shkurtit 2023 në Turqi me Besiktasin. Kjo pasi anglezi kishte probleme me lëndime, por mbi të gjitha probleme me depresionin.

Genoa i ka humbur tri ndeshjet e fundit në të gjitha kompeticionet, duke përfshirë këtu edhe një humbje nga rivalët e qytetit në Kupën e Italisë, Sampdoria.

Genoa ka vetëm pesë pikë, pas gjashtë ndeshjeve në Serie A./GazetaExpress/