Qeveria Kurti ka emëruar Drejtor Ekzekutiv të Agjensionit të Menaxhimit të Emergjencave, Genc Metaj i cili është vëllai i deputetët së “Lëvizjes Vetëvendosjes”, Shqipe Metaj, raporton “Front Online”.
Ky vendim është marrë mbrëmë në orët e vona të mbledhjes së Qeverisë.
Në këtë konkurs ishin paraparë kriteret e pranimit të kandidatëve e ku si kriter specifik ishte paraparë: Njohja e gjuhës Angleze, niveli B2. Por, tek verifikimi paraprak nga menaxheri i personelit të MPB-së, kandidatet të cilët e kanë kaluar verifikimin paraprak nuk e kanë plotësuar këtë kriter specifik, d.m.th. njohjen e gjuhës Angleze, niveli B2.
Front Online ditë më parë ka raportuar se si Ministria e Punëve të Brendshme po tentonte ta vendos në këtë pozitë vëllain e deputetes së VV-së, përmes një konkursi.
Tre kandidatë kishin paraqitur ankesa në KPMSHC, por këshilli i kishte shpallur të pabaza të gjitha ankesat.
Vlen të theksohet se që nga ardhja në pushtet në krye me Albin Kurtin, nepotizimi ka lulëzuar nëpër institucione – pavarësisht premtimeve e fjalëve në fushata se “kushërinjtë janë për dasma, jo nëpër ministri”. /FrontOnline/
MPB-ja po tenton ta bëjë drejtor të Emergjencave vëllain e deputetes së Vetëvendosjes