Përmes një shkrimi, Kamberi ka treguar se protesta do të mbahet në Preshevë.

“Të marshojmë, të gjithë bashkë.Kundër diskriminimit, shtypjes dhe shkeljeve që i bëhen shqiptarëve të Luginës së Preshevës. Në Gusht ishim në Bujanoc, në Shtator jemi në Preshevë, për të dëshmuar se jemi një. Problemet tona nuk mund të shtyhen më”, ka shkruar Kamberi, transmeton Front Online.

Tutje Kamberi ka deklaruar se protesta do të zhvillohet për ndërprerjen e pasivizimit të adresave, për njohjen e diplomave si dhe për zbatimin e Marrëveshjeve të nënshkruara.

“Aspak më pak se sa na takon, asnjëherë më shumë, por gjithmonë atë që meritojmë! Për ndërprerjen e pasivizimit të adresave, për njohjen e diplomave tona, për vende pune dhe për institucione të hapura për të gjithë. Për zbatimin e Marrëveshjeve të nënshkruara dhe për përmbushjen e detyrimeve të shtetit ndaj shqiptarëve të Luginës së Preshevës”, ka thënë ai.

Kamberi në fund ka kërkuar nga të gjithë të dalin dhe të marshojnë për të drejtat e tyre.

“Për Preshevën me Gjykatë, për institucione shtetërore ku përfaqësohen shqiptarët! Kjo është për të gjithë ne, për dinjitetin dhe identitetin tonë. Dilni dhe marshoni”./Front Online/