Kryeministri izraelit Benjamin Netanyahu, tha të hënën se ushtria e vendit po i afrohet “fundit të fazës së eliminimit” të ushtrisë së Hamasit në Gaza.

“Dje u ktheva nga një vizitë në Divizionin e Gazës. Unë pashë arritje shumë të konsiderueshme në luftimet që po zhvilloheshin në Rafah. Ne po përparojmë në fund të fazës së eliminimit të ushtrisë terroriste të Hamasit; ne do të vazhdojmë të godasim mbetjet e tij”, tha Netanyahu.

Ai kështu u shpreh derisa ishte duke folur me një grup zyrtarësh ushtarakë kryesisht izraelitë dhe ndërkombëtarë që studiojnë në Kolegjin e Sigurisë Kombëtare, raporton CNN, transmeton Klankosova.tv.

Netanyahu u zotua përsëri se Izraeli do t’i arrijë qëllimet e tij në luftën kundër Hamasit : kthimin e pengjeve nga Gaza, eliminimin e aftësive ushtarake dhe qeverisëse të Hamasit, sigurimin që Gaza nuk do të përbëjë kërcënim kundër Izraelit dhe gjithashtu kthimin e sigurt të banorëve izraelitë të zhvendosur në shtëpitë e tyre në të dyja vendet jugore dhe veriore.

Para fillimit të një operacioni ushtarak në Rafah në maj, udhëheqësit izraelitë kishin pohuar se qyteti jugor i Gazës ishte bastioni i fundit i Hamasit.

Netanyahu tha muajin e kaluar se “faza intensive e luftës me Hamasin (në Gaza) është gati të përfundojë” dhe se fokusi i ushtrisë më pas mund të zhvendoset në kufirin verior të Izraelit me Libanin.

“Kjo nuk do të thotë se lufta do të përfundojë, por lufta në fazën e saj aktuale do të përfundojë në Rafah. Kjo eshte e vertetë. Ne do të vazhdojmë të kositim barin më vonë”, tha Netanyahu për Televizionin Channel 14 më 23 qershor.