×
  • Lajme
  • Lajme

    Dënohen me 6 vite e 10 muaj burgim dhe mbi 30 mijë euro gjobë dhjetë të akuzuarit në rastin “Subvencionet V”

    FrontOnline
    13 Maj 2024

    Gjykata Themelore në Prishtinë ka shpallur aktgjykim dënues ndaj të akuzuarve Burim Selmani, Kastriote Bajrami-Sejdiu, Adushe Ukshini, Valon Hoti, Granit Abdyli , Faruk Ymeri, Abdullah Tërstena, Blerton Ostergllava, Avdyl Sejdiu dhe Muzafer Maliqi, në rastin e njohur si “Subvencionet V”.

    Në total, dhjetë të akuzuarit e lartcekur janë dënuar me 6 vite e 10 muaj burgim dhe 31 mijë e 100 euro gjobë.

    Shpallja e këtij aktgjykimit për këtë rast u bë të hënën, nga gjykatësja, Violeta Namani, raporton “Betimi për Drejtësi“

    Sipas aktgjykimit, i akuzuari Selmani, u dënua me 3 muaj burg dhe me 5 mijë euro gjobë

    për veprën penale “Ushtrim ndikimi”. I njëjti për veprën penale “Mashtrim me subvencione” u dënua edhe me 3 muaj burg dhe 15 mijë euro gjobë. Ndaj tij gjykata shqiptoi dënim unik me 5 muaj burg dhe 20 mijë euro gjobë.

    Ndërsa, e akuzuara Bajram-Sejdiu, u dënua me 5 muaj burg dhe 500 euro gjobë për veprën penale “Dhënie ryshfeti”.

    Ndërkaq, sipas aktgjykimit i akuzuari Ukshini, u dënua me 2 vite burg dhe 5 mijë euro gjobë, për veprën penale “Marrje ryshfeti”. Ndaj tij gjykata shqiptoi edhe dënim plotësues, dy vite ndalim i ushtrimi i funksionit në administratë publike apo funksioneve në shërbime publike.

    Kurse, i akuzuari Hoti, u dënua me 9 muaj burg dhe 500 euro gjobë për veprën penale “Marrje ryshfeti”. Të njëjtit gjithashtu iu shqiptua dënim plotësues, dy vite ndalim i ushtrimi i funksionit në administratë publike apo funksioneve në shërbime publike.

    Tutje, sipas aktgjykimit, i akuzuari Abdyli, u dënua me 9 muaj burg dhe 100 euro gjobë për veprën penale “Ushtrim i ndikimit”.

    Me 6 muaj burg dhe 1 mijë euro gjobë për veprën penale “Dhënie ryshfeti”, u dënua i akuzuari Ymeri.

    Për veprën penale “Dhënie ryshfeti” u dënua me 6 muaj burg dhe 1 mijë euro edhe i akuzuari Ostërgllava.

    Gjithashtu, edhe i akuzuari Sejdiu, u dënua me 6 muaj burg dhe 1 mijë euro gjobë për veprën penale “Dhënie ryshfeti”.

    Ndërsa, i akuzuari Tërstena u dënua me 6 muaj burgim dhe 1 mijë euro gjobë për veprën penale “Dhënie ryshfeti”.

    Edhe i akuzuari Maliqi u dënua me 6 muaj burg dhe 1 mijë euro gjobë për veprën penale “Dhënie Ryshfeti”.

    Sipas aktgjykimit, të akuzuarit e lartcekur janë të obliguar që secili veç e veç t’i paguajnë shpenzimet e procedurës në emër të paushallit gjyqësorë shumën prej 100 euro, si dhe për Fondin për Kompensimin të Viktimave të Krimit shumën prej 100.

    Ndryshe, në seancën fillestare të akuzuarit Selmani, Bajrami-Sejdiu, Ukshini, Hoti, Abdyli , Ymeri, Tërstena, Ostergllava, Sejdiu dhe Maliqi kishin pranuar fajësinë për veprat penale me të cilat ngarkoheshin.

    Ndryshe, Prokuroria Speciale e Republikës së Kosovës (PSRK) më 21 mars 2024 ka ngritur aktakuzë në rastin “Subvencionet V” ndaj 18 të akuzuarve lidhur me keqpërdorimet me subvencione, duke i ngarkuar me veprat penale “Ushtrim ndikimi”, “Mashtrim me subvencione”, “Marrje ryshfeti”, “Dhënie ryshfeti” dhe “Keqpërdorim i pozitës apo autoritetit zyrtar”.

    Sipas aktakuzës të akuzuar në këtë rast janë tetë zyrtarët: Kujtim Zariqi, Luan Statovci, Sadat Shkodra, Kastriote Bajrami-Sejdiu, Aferdita Gjokaj, Adushe Ukshini, Valon Hoti dhe Bejtullah Pira. Si dhe 10 qytetarët: Burim Selmani, Granit Avdyli, Valdete Ismaili, Feriz Jonuzi, Faruk Ymeri, Avdullah Terstena, Blerton Ostergllava, Avdyl Sejdiu, Muzafer Maliqi dhe Alban Novosella,

    Zyrtare: Dyshekët e Comoditas produktet më të eksportuara nga Kosova për vitin 2023, dyfish më shumë se tjerët
    Nga Rubrika
    Lajme25 Qershor 2024
    Zëvendëskryetari i Komisionit Parlamentar për Siguri, deputeti i LVV-së, Enver Dugolli, tha se Kosova nuk do të pranojë të formojë Asociacionin pa...
    Lajme25 Qershor 2024
    Është sekuestruar një revole të tipit “Zoraki” dhe katër copë fishekë. Policia ka njoftuar se në lidhje me rastin është ndaluar një...
    Lajme25 Qershor 2024
    Policia e Kosovës ka njoftuar se zyrtarët e njësisë së hetimeve të përgjithshme të Drejtorisë Rajonale në Prishtinë, kanë arrestuar dy persona...
    Të tjera
    Lajme25 Qershor 2024
    Kryeministri i Republikës së Kosovës, Albin Kurti, mirëpriti sot një delegacion gjerman nga shteti i Bavarisë, të udhëhequr nga Dr. Gerhard Hopp,...
    Lajme25 Qershor 2024
    Kryetari i PDSH-së, Menduh Thaçi, u pyet në Pressing nga Burim Ramadani se ku është alenca mes Serbisë dhe Maqedonisë së Veriut,...
    Lajme25 Qershor 2024
    Ministrja e Punëve të Jashtme dhe Diasporës (MPJD), Donika Gërvalla është takuar me Presidentin e Komitetit të Ministrave të Këshillit të Evropës,...
    Lajme25 Qershor 2024
    LDK njofton se ka mirëpritur vendimin e Gjykatës Kushtetuese pasi u shpall antikushtetues shkarkimi i anëtares së Bordit të Organit Shqyrtues të Prokurorimit, Kimete...
    Sport25 Qershor 2024
    Kombëtarja e Anglisë dhe ajo e Sllovenisë kanë publikuar tashmë formacionet zyrtare para ndeshjes që fillon në orën 21:00. “Tre Luanët” tashmë...
    Sport25 Qershor 2024
    Franca ka luajtur baras 1-1 ndaj Polonisë në ndeshjen e vlefshme për Grupin D që ishte e fundit e fazës së grupeve...

    FrontOnline, © 2024 Të gjitha të drejtat e rezervuara.