Gjatë protestës së sotme, Rithemelimi ka hedhur sërish molotov në derën e bashkisë së Tiranës.

Pas hedhjes së molotëve, kanë ndërhyrë efektivët dhe forcat zjarrfikëse që i kanë shuar menjëherë.

Në këtë protestë janë gjetur edhe lëndë piroteknike, ku policia ka ndaluar dy persone për mbajtjen e këtyre lëndëve.

Më herët protestuesit kanë qëlluar me vezë dhe mollë në drejtim të godinës, derisa kërkojnë që të largohet nga detyra kryetari i Tiranës, Erion Veliaj, shkruan Top Channel

Kujtojmë që e njëjta ka ndodhur edhe në protestën e 19 prillit.

Me pankarta në duar, protestuesit ishin përplasur fizikisht me efektivët e policisë, të cilët ishin vendosur atyre për mbarëvajtjen e tubimit.