Komentatori Andin Lokaj, ka dalë me një sqarim për ndeshjen e së martës në mes Barcelonës dhe Paris Saint-Germainit.
Lokaj, mes tjerash thotë se disa portale i kanë nxjerrë nga konteksti disa fjalë që i ka thënë gjatë komentimit.
“Unë i kuptojë portalet sidomos, megjithatë por kanë dalë jashtë kontekstit sa i përket kësaj, ngase unë çka kam thënë ka qenë konstatim i asaj çka tha Xavi, e keni në komentim kur them që kjo çka tha Xavi do t’i kushtojë më karton të kuq, kjo gjë edhe ndodhi u përjashtu automatikisht”, u shpreh Lokaj.
Ai, gjithashtu u kërkoi falje tifozëve të Barcelonës, nëse ndonjëri prej tyre është ofenduar.“Ka qenë një ndeshje emocione, unë i kuptoj tifozët e Barceloëns, janë të shumtë nëse e kam lënduar dikë i kërkoj falje, por nuk mendoj se kam lënduar dikë, është dashur në mënyrë profesionale të komentohet ndeshja. Ajo çka kam parë me karton të kuq, direkt sipas gjyqtarit shumë ka pasur kritika te gjyqtari, fatkeqësisht futbolli është ky, duhet të pranohet humbja, Paris Saint-Germaini ka qenë skuadër më e mirë”.