Presidenti i SHBA-së, Joe Biden do të kthehet në Uashington të shtunën për të biseduar me ekipin e tij të sigurisë kombëtare, një ditë pasi tha se priste një sulm iranian ndaj Izraelit.
Joe Biden ndërpreu udhëtimin e fundjavës në Delaware herët, ka njoftuat Shtëpia e Bardhë të shtunën, për të diskutuar ngjarjet në Lindjen e Mesme.
Teherani është zotuar të hakmerret për një sulm izraelit në kompleksin e ambasadës iraniane në Damask javën e kaluar që vrau një komandant të lartë të Forcës Quds të Gardës Revolucionare të Iranit dhe gjashtë oficerë të tjerë.
Të premten, Biden paralajmëroi Iranin që të mos hakmerret edhe pse ai tha se një sulm mund të jetë i afërt.
“Ne jemi të përkushtuar për mbrojtjen e Izraelit dhe do ta mbështesim atë.” “Ne do të ndihmojmë në mbrojtjen e Izraelit dhe Irani nuk do të ketë sukses”, tha Biden.
/Front Online/