Shkruan: Afrim Kasolli

Sa me shumë kohë që po kalon nga lufta ne Ukrainë, aq më tepër po bëhet e qartë se vetëm dy opsione po mbesin në skenë që kjo luftë te përfundojë në favor të ketij shteti.

E para nëse Rusia përfshihet nga ndonjë konflikt i brendshëm civil, kopmplete brenda pallatave te Kremlinit etj etj. Ku sundimi tiranik i Putinit do të rrënohej dhe kolapsonte nga brenda. Në fund te fundit, që nga Montesquieu dihet se tiranitë rrënohen në këtë mënyrë.

Mirëpo, mjerisht ky skenar nuk po duket në horizont. Kjo u dëshmua edhe nga rebelimi i dështuar i drejtuesit te forcave Wagner, Y. Prigozhin, vitin e kaluar. Ndërkohë sanksionet perëndimorë nuk kane dhënë shenja se do te prodhonin një revolte masive qytetare ruse kundër regjimit në fuqi, apo do ta shkatërrojnë këtë shtet.

Përkundrazi, edhe pse nën peshën e tyre, rritja ekonomike në Rusi është me stabile se sa e shume vendeve tjera qe nuk ndodhen nën sanksione. Sipas, Fondit Monetar Ndërkombëtar rritja ekonomike ruse këtë vit është paraparë që të jetë 2.6 përqind. Ku në terma nominal është me produktive se sa e Gjermanisë. Fakt ky, që ka ndikuar që parti të ekstremit të djathtë sikur se Alternative për Gjermanine, ta shfrytëzojë për përfitime te brendshme elektorale këtë situatë, me argumentin se sanksionet kundër Rusisë me shumë janë duke e dëmtuar ekonomikisht Gjermaninë se sa të parën. Ndërkohë, per opoziten ruse as qe ia vlen te flitet.

Ne këtë kontekst, në mungesë të këtij opsioni, atëherë nëse Perendimi nuk dëshiron ta humb luftën në Ukrainë, gjithnjë e me tepër po imponohet skenari i përmendur nga presidenti i Francës, Emmanuel Macron, se nuk duhet të përjashtohet dërgimi i trupave perëndimorë ne Ukrainë, pra i forcave te NATO-se. Opsionet duale sikur ai i kancelarit Olaf Scholz, se “Ukraina nuk duhet të humb dhe Rusia nuk duhet të fitojë” janë një eufemizem pa efekt konkret në terrenin e betejës. Mirëpo, dërgimi eventual i trupave te NATO-se në arenën e luftës dihet çfarë pasoja do të prodhonte për Evropën. Cari i Kremlinit, e ka bërë të qartë disa herë se në atë rast, njerëzimi do të perballej me një katastrofë te paparë në histori per shkak të përdorimit të armëve bërthamore.

Kurrë më shumë se tani bota nuk është ndodhur përballë dy zgjidhjeve, njëra me e keqe se tjetra.