Shefja e Grupit Parlamentar të Lëvizjes Vetëvendosje, Mimoza Kusari-Lila ka folur lidhur me ngjarjen tragjike që tronditin Kosovën, ku mbeti e vrarë Liridona Ademaj.
Ajo thotë se ka pasur rastin të njoh Naim Murselin, të dyshuarin për vrasjen e bashkëshortes së tij në periudhën kur ajo ishte zgjedhur kryetare e Gjakovës.
“Unë e kam njohur Naim Murselin shumë shkurt, në periudhën kur jam zgjedhur në krye të Gjakovës, ai është afru me presidentin e AKR-së, zotin Pacolli”, ka thënë ajo në emisionin Context.
“Parandalimi më shumë se sa veprimi është shumë i rëndësishëm. Me krejt çka po ndodh pastaj, asgjë nuk e kthen Liridonën në jetë. Liridona e shkretë e mori vesh që u tradhtua në fund nga njeriu i saj”, është shprehur tutje Kusari-Lila duke kërkuar që ky rast të trajtohet me seriozitetin maksimal./Front Online