Britney Spears e lavdëroi tashmë ish-partnerin e saj, Sam Asghari, në librin e saj të ri.
Ylli i muzikës pop i referohet aktorit si një “dhuratë nga Zoti” në “The Woman In Me”, të cilin ajo e mbaroi së shkruari përpara se ai të bënte kërkesë për divorc në gusht.
“Unë e vlerësoj se sa i qëndrueshëm është ai. Më pëlqen që ai as nuk pi”, thotë ajo në faqet e fundit të librit.
Diku tjetër, Spears kujton se ishte “goditur menjëherë” me Asghari kur u takuan në tetor 2016 në setin e videos së saj muzikore, “Slumber Party”.
“E dija që e doja menjëherë në jetën time”, shkruan ajo. “Kimia me nesh në fillim ishte e çmendur. Nuk mund t’i mbanim duart larg njëri-tjetrit”.
Këngëtarja e “Hold Me Closer”, 41 vjeçe, gjithashtu i jep meritës ish-trajnerit personal, 29 vjeç, që i dha asaj kurajon për të folur kundër konservatorit të saj “abuziv” 13-vjeçar.
Spears dhe Asghari u martuan në shtëpinë e saj në Kaliforni në qershor 2022, por u ndanë vetëm 14 muaj më vonë.
Botuesi i saj, Gallery Books, nuk ka njoftuar ndonjë plan zyrtar për një rrëfim të dytë. /Telegrafi/
