Këngëtarja ikonë Dolly Parton ka folur hapur mbi frikërat që e kanë shoqëruar gjithmonë.
Ajo ka thënë se nga frika e rasteve urgjente zgjidhte më mirë të flinte me makijazh sesa të fotografohej nga paparacët në gjendjen e saj më të keqe.
E këtë veprim ajo thotë se e ka përsëritur me dekada. Në librin e saj të ri, “Behind The Seams: My Life In Rhinestones”, Dolly ka rrëfyer se ky zakon nisi rreth viteve 80′.
“Kur arrita në Los Anxheles në vitet 80′, fillova të flija me makijazh dhe kjo për shkak të tërmeteve të shumta. Mendova me vete se nuk mund të dilja në rrugë pa makijazh pasi mund të kishte aparate fotografike. Kështu që vendosa të isha gati për të dalë”, tregon ajo.
E megjithatë, për çudi Dolly vazhdon të ketë një lëkurë të shëndetshme edhe pas rutinës së ‘tmerrshme’ të makijazhit, pasi çdo mëngjes sigurohej që ta pastronte mirë atë.