A ju kujtohet kur në natën finale të edicionit të parë të Big Brother VIP Kosova, Mbresa Hajrullahut, njërës nga finalistet iu premtua një punë në mediumin Klan Kosova?

Epo, koha ka ardhur që Mbresën ta rishihni në ekran, veçse më jo si pjesë e kastit të shtëpisë së “Vëllait të Madh”, por si prezantuese e emisionit – Big Talk Kosova.

Nuk ka dyshim se Mbresa me aftësitë e saj oratorike dhe pamjen e kuruar deri në detaje, do të iu mbajë pranë ekranit përgjatë kohës televizive të ndarë për emisionin në fjalë.

Po ashtu, edhe këtë edicion, Big Talk Kosova do të transmetohet të dielave, derisa nuk do të mungojnë as opinionet e gazetarit Nderim Neziri, i cili këtë sezon do të jetë edhe autor i këtij programi.

Kujtojmë, se vitin që lamë pas, Neziri ka rezervuar kritikat më pozitive nga audienca e Big Talk Kosova mbi opinionet e tij lidhur me banorët dhe veprimet e tyre përgjatë aventurës televizive në BBVK.

Pra, tani nuk keni nevojë të shqetësoheni nëse rastësisht iu ikë ndonjë detaj prej ngjarjeve dhe situatave që krijohen brenda shtëpisë më të përfolur në vend, sepse në Big Talk Kosova, do të diskutohen të gjitha.

Në emisionin me Mbresën do të keni mundësinë të ndiqni intervista ekskluzive me opinionistë, ish banorë, të afërm të konkurrentëve si dhe plot surpriza të tjera.

Mos harroni, tanimë keni dy data për të mbajtur në mend – 20 tetori, nata e madhe kur nga ora 21:00 do të fillojë transmetimin gjiganti televiziv Big Brother VIP Kosova, si dhe 22 tetori, kur pranë jush do të rikthehet sërish emisioni – Big Talk Kosova.