Gjatë fundjavës, modelja – babai i së cilës, Mohamed Hadid, është palestinez – ripostoi një grafik në InstaStoryn e saj në Instagram ku shkruhej: “Nuk ka asgjë çifute në lidhje me trajtimin e qeverisë izraelite ndaj palestinezëve”.

“Dënimi i qeverisë izraelite nuk është antisemitik dhe mbështetja e palestinezëve nuk është mbështetje për Hamasin”, thuhej në postim.

Megjithatë, llogaria zyrtare e Shtetit të Izraelit kundërshtoi postimin e Gigit, duke marrë një ‘screenshot’ të postimit dhe duke e ripostuar atë me një mesazh.

“Nuk ka asgjë të guximshme në masakrën e Hamasit ndaj izraelitëve”, shkruan ata.

“Të dënosh Hamasin për atë që është (ISIS) nuk është kundër Palestinës dhe mbështetja e izraelitëve në të drejtën e tyre kundër terroristëve barbarë është gjëja e duhur për t’u bërë”, thanë ata.

Llogaria më pas iu drejtua drejtpërsëdrejti modeles, duke pyetur, “Gigi Hadid a keni fjetur javën e kaluar?”.

“Apo jeni e mirë për të mbyllur një sy ndaj foshnjave hebreje që masakrohen në shtëpitë e tyre? Heshtja juaj ka qenë shumë e qartë se ku qëndroni. Ne ju shohim”, thuhej tutje në postimin e tyre.

Qeveria izraelite postoi gjithashtu një foto të një dhomë gjumi të përgjakur që i përkiste një fëmije, duke shtuar: “Nëse nuk e dënoni këtë, fjalët tuaja nuk do të thotë asgjë”.

Javën e kaluar, modelja denoncoi “terrorizimin e njerëzve të pafajshëm” pas sulmeve katastrofike në Izrael, të cilat thuhet se kanë vrarë më shumë se 1,400 izraelitë.

Që nga sulmi i befasishëm i Hamasit mbi Izraelin më 7 tetor, thuhet se janë vrarë rreth 2670 palestinezë.

Si Gigi ashtu edhe motra e saj, Bella Hadid, kanë qenë avokate të zëshme të Palestinës për shumë vite.

Megjithatë, Bella nuk ka folur ende për luftën aktuale. /Telegrafi/