Aktori i humorit, Albano Bogdo së fundi ka përdorur një shaka banale teksa fliste për këngëtarin Alban Ramosaj dhe motrën e tij, këngëtaren Beatrix Ramosaj.
Bogdo riktheu historinë e Beatrixës me Donald Veshaj ndërsa përdori shprehje ofenduese dhe të rënda gjatë emisionit të tij.
Kjo ka nxitur reagime të shumta nga shumë figura të njohura, mes tyre edhe të këngëtares Albërije Hadërgjonaj.
Në një postim në Instagram, Albëria e cila është edhe tezja e Albanit dhe Beatrixës ka thënë se Albano duhet të kërkoj falje për shpikje dhe përdorim të fjalorit të turpshëm.
Më poshtë postimi i plotë i Albërije Hadërgjonaj:
“More djalë i patalentuar mos u mundo të marrësh famë nga të tjerët. Ti bën mirë të kërkosh falje publike për sajesa dhe fjalor të turpshëm. Po për prishjen e imazhit besoj e di që ka edhe nen në Kodin Penal të Shqipërisë. Në këtë rast ti bashkë me Tv veni mend. Krijo identitet se kështu je për të ardhur keq. Alban Ramosaj ka disa statuja floriri që nuk i njollos dot. Merru me jetën tënde”.
