Raporti Efi-Luiz-Kiara, vazhdon të jetë temë kurioze për publikun.
Kjo pasi treshja kishin miqësi të ngushtë brenda shtëpisë së “BBVA” por jo edhe jashtë këtij formati, shkruan lajmi.net.
Lidhur me raportin mes tyre, ka folur së fundi Efi në një intervistë për “Shqipëria Live”.
Ajo sqaroi edhe një herë tjetër se nuk ka ndonjë raport me çiftin dhe as nuk dëshiron më të flas më për gjërat që kanë ndodhur në “BBVA”.
“U lodha shumë nga gjërat që përfliteshin. Pashë disa reagime të pakëndshme nga pala tjetër. Dhe mua kur nuk më respektojnë, nuk i respektoj. Nuk dua të flas më për këtë pjesë se njerëzit do mendojnë se dua që të marr vëmendje, por nuk është e vërtetë. Nuk dua të flas më për Bigun se i kemi konsumuar të gjitha, dua të flas për gjëra të reja. Me Kiarën nuk kam asnjë marrëdhënie dhe nuk kam asnjë lloj inati. I uroj shumë suksese, më bëhet qejfi për çdo gjë që ajo po arrin, por nuk kemi asnjë kontakt”, u shpreh Efi.
Ndryshe, pak ditë më parë ish banorja hoqi nga lista e ndjekësve në ‘Instagram’, Luizin, duke bërë të ditur që mes tyre ka marrë fund miqësia.