Qeveria e Kosovës sot ka bërë të ditur koeficientin e pagave për sektorin publik, i cili për vitin 2023 do të jetë 105 euro.

Me koeficientin e caktuar, paga e kryeinfermierit do të jetë 672 euro ndërsa e infermierëve do të jetë nga 588 euro deri në 535.5 euro.

E më këtë duket të mos jenë të kënaqur Oda e Infermiereve.

Kreu i Infermiereve, Naser Rrustemi ka thënë për Front Online se kjo vlerë është e papranueshme.

Rrustemi ka njoftuar se mospajtimin e vlerës së koeficientit do ta dërgojnë tek Avokati i Popullit.

“Kjo vlerë e koeficientit është e papranueshme dhe më e padrejta që ndonjëherë ka ndodhur. Ne nuk pajtohemi me këtë vlerë dhe do ta dërgojmë tek Avokati i Popullit”, theksoi Rrustemi.

Ndryshe, këto janë nivelet e pagave e të gjithë punonjësve në sektorin e shëndetësisë pas caktimit të vlerës së koeficientit prej 105 euro:

Niveli tretësor i shëndetësisë me Bachelor, që hyn Infermier, Fizioterapeut, Logoped, Teknik i Radiologjisë diagnostike, Teknik I Radioterapisë, Mjekësi sanitare, Laborant, Mami, Teknik – vlerën e koeficientit do ta kenë 5.6 që në llogaritjen e rrogës i bie 588 euro.

Niveli sekondar i shëndetësisë me Bachelor, që hyn Infermier, Fizioterapeut, Logoped, Teknik i Radiologjisë diagnostike, Teknik i Radioterapisë, Mjekësi sanitare, Laborant, Mami, Teknik mjekësor, Teknik farmacist 2 – vlerën e koeficientit do ta kenë 5.5 që në llogaritjen e rrogës i bie 577 euro.

Niveli parësor i shëndetësisë me Bachelor, që hyn Infermier, Infermier në edukim të vazhdueshëm.

Fizioterapeut, Logoped, Teknik i Radiologjisë diagnostike, Mjekësi sanitare, Laborant, Mami, Teknik mjekësor, Teknik Veterinar, Teknik farmacist 3 – vlerën e koeficientit do ta kenë 5.4 që në llogaritjen e rrogës i bie 567 euro.

Niveli tretësor i shëndetësisë –Shkollë e mesme, që hyn Infermier, Laborant, Mami, Teknik
mjekësor, Teknik farmacist 4 – vlerën e koeficientit do ta kenë 5.3 që në llogaritjen e rrogës i bie 556 euro.

Niveli sekondar i shëndetësisë –Shkollë e mesme, që hyn Infermier, Laborant, Mami, Teknik
mjekësor, Teknik farmacist 5 – vlerën e koeficientit do ta kenë 5.2 që në llogaritjen e rrogës i bie 546 euro.

Niveli parësor i shëndetësisë -Shkollë e mesme, që hyn Infermier, Laborant, Mami, Teknik
mjekësor, Teknik farmacist 6 – vlerën e koeficientit do ta kenë 5.1 që në llogaritjen e rrogës i bie 535 euro.

Ndërsa, pozita e Ndihmës Infermier ka vlerën e koeficientit 4.5 që në llogaritjen e rrogës i bie 472 euro./Front Online/