×
  • Lajme
  • Lajme

    A mund të gjykohet Naim Murseli në Suedi? – juristët japin opsionet bazuar në ligjet e Kosovës

    FrontOnline
    06 Dhjetor 2023

    Akoma zyrtarisht nuk ka kërkesë nga Suedia që Naim Murseli të gjykohet në shtetin e tyre.

    Emri i Naim Murselit në javën e fundit në Kosovë është më i përmenduri. Kjo për faktin se i njëjti ka paguar e planifikuar vrasjen e gruas së tij 30-vjeçare, Liridona Ademaj.

    Mirëpo për Naimin ngritën dyshime se do të mund të gjykohet në një vend tjetër jashtë Kosovës, kjo për faktin se ai përveç nënshtetësisë kosovare mban edhe pasaportë suedeze.

    Mirëpo institucioneve të Kosovës deri më tash nga Stokhomi ende nuk ka ardhur zyrtarisht ndonjë kërkesë e tillë.

    Por edhe nëse një kërkesë e tillë vjen, e njëjta duhet të refuzohet nga Kosova sipas ish-sekretarit të Ministrisë së Drejtësisë, Ardian Bajraktari.

    “Në ligj përcaktohen rrethanat kur vepra penale kryhet në territorin e Republikës së Kosovës, atëherë është bazë e mjaftueshme për të mos e aprovuar ndonjë kërkesë eventuale për ekstradim. Andaj nëse do të vinte ndonjë kërkesë nga autoritetet suedeze në drejtim të institucioneve të Kosovës, e njëjta në bazë të ligjit do të duhej të refuzohej”, deklaroi Bajraktari për RTV Dukagjinin.

    Madje avokati Arbër Jashari ka bindjen që gjykimi i të njëjtit do të zhvillohet në Kosovë, teksa vlerëson se Suedia as nuk do të ketë interes për transferim të Murselit.

    “Unë konsideroj se do të gjykohet në Kosovës, për arsye se vepra penale është kryer në territorin e Kosovës. Poashtu hetimet janë zhvilluar këtu dhe procedura penale është më e lehtë këtu. Është edhe në interes të drejtësisë që kjo çështje që ka ndodhur në Kosovë, të kryhet edhe në aspektin ligjor në Kosovë”, deklaroi Jashari.

    Ministria e Drejtësisë ka thanë për televizionin se Ligji në fuqi në Republikën e Kosovës e përcakton se ekstradimi nuk do të lejohet për veprat penale të kryera në tërësi në territorin e RKS-së, rrjedhimisht nuk do ta bëjnë një gjë të tillë.

    E vetmja informatë nga institucionet suedeze është një përgjigje e Ministrisë së Jashtme të cilët për Dukagjinin kanë thënë se janë të informuar me rastin e Liridona Ademajt

    “Ministria e Punëve të Jashtme është në dijeni se një grua rreth të 30-ave ka vdekur në Kosovë më 29 nëntor. Të afërmit e saj janë njoftuar. Të gjitha pyetjet në lidhje me çdo hetim policor ia drejtojmë Autoritetit Policor Suedez ose policisë në vendin në fjalë. Ministria e Punëve të Jashtme në Suedi mund të konfirmojë se është duke trajtuar një rast konsullor që përfshin një familje suedeze në Kosovë. Dispozitat e fshehtësisë në çështjet konsullore parandalojnë zbulimin e çdo informacioni të mëtejshëm”, thuhet në përgjigjen e MPJ-së.

    Të martën në Prishtinë u protestua ku u kërkua që drejtësia në rastin e 30-vjeçares nga Gjakova të mos mungojë.

    Kurtishaj: Presim që Shqipëria do të jetë top destinacion turistik edhe për 2023, jo veç për patriotizëm
    Nga Rubrika
    Lajme26 Shkurt 2024
    Policia e Kosovës ka bërë të ditur se në 24 orët e kaluara janë evidentuar gjithsej 34 aksidente në trafikun rrugor. Në...
    Lajme26 Shkurt 2024
    Gjykata e Apelit ka vendosur që Enver Sekiraqa të rikthehet në arrest shtëpiak, dhe të mos qëndrojë më nën masën e paraqitjes...
    Lajme26 Shkurt 2024
    Departamenti amerikan i Mbrojtjes ka njoftuar për vizitën e drejtorit kryesor për Politikat Europiane të NATO-s, Alton Buland në Kosovë. Departamenti amerikan...
    Të tjera
    Lajme26 Shkurt 2024
    Një burrë në Prizren ka raportuar se vetura e tij është vjedhur nga persona të panjohur. Por automjeti është gjetur i parkuar...
    Sport26 Shkurt 2024
    Fundjavën që shkoi, përfundoi xhiroja e 23-të e Bundesligas. Edhe pas kësaj jave, Bayer Leverkusen vazhdon të jetë lider. Leverkusen triumfoi përballë...
    Vip26 Shkurt 2024
    Si asnjëherë më parë në një studio televizive, Grida Duma ka rrëfyer për jetën personale e profesionale. Djali, siç thotë ajo, është...
    Vip26 Shkurt 2024
    Grida Duma është një prej grave që fuqishëm ka përkrahur gratë e tjera gjatë karrierës së saj politike, por edhe tash në...
    Bota/Rajoni26 Shkurt 2024
    Tirana do të jetë mikpritëse e dy samiteve më 28 dhe 29 shkurt. I pari do të mbahet të mërkurën e 28...
    Lajme26 Shkurt 2024
    Prishtinë- Gjykata Themelore në Prishtinë, ka shpallur aktgjykim lirues ndaj kryetarit të Kuvendit të Kosovës, Glauk Konjufca i akuzuar për hedhje të...

    FrontOnline, © 2024 Të gjitha të drejtat e rezervuara.