[wp-story]

Lajme

6 komuna vazhdojnë të jenë në zonën e kuqe – konsiderohen me rrezik të lartë nga COVID-19

6 komuna vazhdojnë të jenë në zonën e kuqe – konsiderohen me rrezik të lartë nga COVID-19
20:29 | 02 Janar 2021

Gjashtë komuna në Kosovë gjenden në zonën e kuqe apo të rrezikut të lartë nga COVID-19, në mesin e tyre mbetet kryeqendra Prishtina.

Në listën e re, të publikuar dje, në zonën e kuqe gjenden Prishtina, Fushë-Kosova, Mitrovica e Veriut, Zveçani, Zubin Potoku dhe Leposaviqi.

Në këtë zonë, që futen komunat me nivel të infeksionit 76-150 për 100 mijë banorë brenda javës, ndalohet qarkullimi për qytetarët nga ora 20:00 deri në orën 05:00 të mëngjesit.

Ndalohen hyrjet e daljet e qytetarëve dhe automjeteve në territorin e komunës përkatëse nga ora 20:00 deri në ora 05:00, me përjashtim të personelit shëndetësor, të sigurisë, drejtësisë dhe ngjashëm, apo qytetarëve për nevoja mjekësore, prodhim, furnizim dhe shitje të mallrave esenciale.

U lejohet edhe lëvizja operatorëve ekonomik dhe transportit të mallrave për të siguruar funksionimin e zinxhirit të furnizimit, kompanive ndërtimore, operatorëve që kryejnë punë publike. Por duhet pajisur me leje të veçantë qarkullimi të gjithë.E operatorëve ekonomik i lejohen të punojnë nga ora 05:00 deri në ora 20:00, qendrave tregtare po ashtu në të njëjtin orar, si dhe hotelierisë e gastronomisë. Pas orës 20:00, lejohet për gastronominë vetëm shërbim me dërgesë në zonën e kuqe.

Sipas rangimit të ri në zonën e verdhë janë gjashtë komuna: Mitrovica e Jugut, Graçanica, Obiliqi, Podujeva, Juniku dhe Gjilani.

“Edhe këtë javë kemi ndryshim në kategorizim të zonave, kemi trend të uljes së infeksionit dhe jemi bashkë të përkushtuar që në vazhdimësi të punojmë”, ka shkruar ministri i Shëndetësisë, Armend Zemaj, në Facebook.

Loja e madhe ka filluar nga 31 Janar dhe vazhdon deri me 2 Shkurt në Petrol Company

Të tjera