Ditëve të fundit është shënuar rënie e lehtë e rasteve të reja me koronavorus.
Ky trend i infektimeve ka ndikuar edhe në uljen e numrit të pacientëve në klinikat e QKUK’së dhe në spitale rajonale.
Në klinikat e Qendrës Klinike Universitare të Kosovës po mjekohen 233 pacientë me koronavirus, një numër i tyre vetëm në Klinikën e Pulmologjisë.
Ndërsa në spitale rajonale po mjekohen 284 pacientë me Covid-19.
Vetëm në spitalin e Pejës janë duke u mjekuar 115 pacientë me koronavirus, 25 prej tyre janë në gjendje të rëndë.
Aktualisht në Kosovë janë 11 mijë e 208 raste aktive me Covid-19.
