409 të konfirmuar me COVID-19 janë duke u trajtuar nëpër spitalet në Kosovë, prej të cilëve 47 janë në gjendje të rëndë, bëhet e ditur përmes njoftimit të Qendrës Klinike Universitare të Kosovës.
Ndërkohë, sipas njoftimit, me oksigjeno-terapi janë 348 persona.
“533 pacientë janë duke u trajtuar në Qendrën Klinike Universitare të Kosovës dhe në spitalet e përgjithshme, prej tyre 409 janë të konfirmuar pozitivë me COVID-19. Me oksigjeno-terapi janë 348 persona, ndërsa 47 të tjerë janë në gjendje të rëndë shëndetësore”, shkruhet në njoftim.
