Hiç më pakë se 432 mijë euro planifikohen të shpenzohen gjatë 3 vjetëve të ardhshme vetëm për mirëmbajtjen dhe servisimin e radarëve të Policisë së Kosovës, raporton

Front Online.

Në bazë të dokumenteve të siguruara shihet se në tenderin Riparimi  dhe servisimi  i radarëve kishte aplikuar vetëm një kompani “Sodex Group”, me çmim për njësi prej 7179.90 euro, ku dhe nga zyra e Prokurimit e Policisë ishte shpallur si fituese e tenderit për këtë proces Prokurimi, raporton Front Online.

Bazuar në dokumentet e siguruara shihet se në këtë proces prokurimi thuajse nuk ka pasur asnjë kriter financiar e as profesional për kompanitë që kanë dashur të aplikojnë.

I vetmi kriter i vendosur në dosje të tenderit është se Operatori Ekonomik fitues duhet të ofroj një deklaratë në shkrim dhe të vulosur për aktivitetin në fjalë se verifikimi dhe kalibrimi i radarëve duhet të behët sipas Ligjit për Metrologji dhe akteve tjera nënligjore të vendit që e rregullojnë këtë fushë.

Përndryshe bazuar bë të dhënat e Agjencisë së Regjistrimit të Bizneseve shihet se veprimtaria kryesore e kompanisë fituese të këtij tenderi Sodex Group është tregtia me shumicë e tekstileve, deri sa aktivitet dytësore tregtia më shumicë e veshjeve dhe këpucëve. / Front Online /