×
  • Lajme
  • Lajme

    4 muaj burgim ndaj të akuzuarit për blerje të sendeve të përfituara me vepër penale

    FrontOnline
    03 Prill 2024

    Gjykata Themelore në Prishtinë ka shpallur aktgjykim dënues ndaj të akuzuarit, Trim Baraku për veprën penale “Blerja, pranimi ose fshehja e sendeve të përfituara me kryerjen e veprës penale”, duke e dënuar me 4 muaj burgim efektiv.

    Baraku është po ashtu njëri nga të dyshuarit për grabitjen e argjendarisë në Suharekë, në nëntor të vitit të kaluar.

    Nga zyra e gjykatësit të rastit, Sabit Sadikaj, kanë bërë të ditur se aktgjykimi ndaj Barakut u shpall të martën.

    I akuzuari e kishte pranuar fajësinë në seancën e mbajtur më 29 mars 2024, duke pranuar se i kishte blerë gjërat për të cilat akuzohej.

    Ndryshe në këtë rast se bashku me të akuzuarin, Baraku për veprën penale “Blerja, pranimi ose fshehja e sendeve të përfituara me kryerjen e veprës penale”, akuzohet edhe Endrit Maxhuni, i cili ishte deklaruar i pafajshëm në seancën e datës 14 mars 2024 dhe dnaj të njëjtit është veçuar procedura.

    Sipas aktakuzës së përpiluar më 11 gusht 2022, thuhet se i akuzuari Endrit Maxhuni më 22 dhjetor 2021 rreth orës 11:00 në Prishtinë e kishte blerë sendin-veturën “Opel Astra”, për të cilën ka pasur mundësi ta dinte se është e përfituar përmes veprës penale me një çmim joproporcional-real. Andaj, me këto veprime ngarkohet se ka kryer veprën penale “Blerja, pranimi ose fshehja e sendeve të përfituara me kryerjen e veprës penale” nga neni 333, paragrafi 1 i Kodit Penal.

    Kurse, në pikën dy të aktakuzës akuzohej Trim Baraku, i cili thuhet se më 16 dhjetor 2021 rreth orës 15:00 në Prishtinë e kishte blerë veturën, një zinxhirë të arit dhe një laptop, me një çmim joproporcional-real.

    Andaj, me këto veprime ngarkohej për veprën penale “Blerja, pranimi ose fshehja e sendeve të përfituara me kryerjen e veprës penale” nga neni 333, paragrafi 1 i Kodit Penal.

    Sipas aktakuzës, ndaj Maxhunit dhe Barakut është ngritur aktakuzë me kërkesë për shqiptimi të urdhrit ndëshkimor.

    Ndryshe, i akuzuari Trim Baraku dyshohet për përfshirje në rastin e grabitjes së një argjendarie në “Suharekë” më 22 nëntor 2023, e për të cilin rast gjendet nën masën e paraburgimit bashkë me të dyshuarit Bujar Basha, Besart Istrefi dhe Leutrim Cakolli.

    Shkëlqim Devolli takon guvernatorin e Texasit, Greg Abbott, flasin për rritje bashkëpunimi Kosovë – ShBA
    Nga Rubrika
    Lajme23 Prill 2024
    Njësia për Hetimin e Krimeve Ekonomike dhe Korrupsion në Ferizaj, pas ndërmarrjes së veprimeve hetimore për një periudhë kohore, njofton se ka...
    Lajme23 Prill 2024
    Deputeti i Vetëvendosjes, Mefail Bajqinovci, është shprehur optimist se Kosova do të kalojë në Këshillin e Ministrave dhe se dërgimi i draft-statutit...
    Lajme23 Prill 2024
    Presidentja e Republikës së Kosovës Vjosa Osmani tha se Kosova nuk kundërshton zbatimin e detyrimeve të veta, por kërkon një marrëveshje të...
    Të tjera
    Lajme23 Prill 2024
    Prokuroria Themelore në Prishtinë, ka njoftuar se ka inicuar rast në drejtim të veprës penale “ngacmimi seksual” ndaj profesorit të Universitetit të...
    Lajme23 Prill 2024
    Nga Komisioni për Mbikëqyrjen e Agjencisë Kundër Korrupsioni për FrontOnline është deklaruar deputeti i PDK-së, Hajdar Beqa, lidhur me raportin e DASHI-it....
    Bota/Rajoni23 Prill 2024
    Sekretari i Përgjithshëm i NATO-s Jens Stoltenberg, ka siguruar se nuk ka aspak plane për të zgjeruar programin e përbashkët të sigurisë...
    Bota/Rajoni23 Prill 2024
    Në Serbi po qëndron për një vizitë Drejtori për Ballkanin Perëndimor në Ministrinë e Jashtme të Gjermanisë, Michael Reiffenstuel. Në kuadër të...
    Lajme23 Prill 2024
    Lutfi Haziri, nënkryetari i LDK-së në një prononcim për Front Online ka folur lidhur me raportin e DASH-it, ku thuhet se Kosova...
    Vip23 Prill 2024
    Vittoria Ceretti dukej sensacionale në një sërë fotografish nga arratisja e saj ekzotike të hënën. Modelja italiane, 25 vjeçe, e cila është...

    FrontOnline, © 2024 Të gjitha të drejtat e rezervuara.