Për mungesën e patrullave të policisë në rrugët e Prishtinës duke i kontrolluar qytetarët për masat e ndërmarra, nënkryetari i kësaj komune, Muhedin Nushi thotë se edhe kjo varët nga diciplina e qytetarëve.

Ai në një intervistë për Front Online, ka thënë se gjatë kohës sa ishte Prishtina në karantinë, 26 patrulla të policisë së Kosovës ishin në hyrje-daljet e kryeqytetit duke kontrolluar qytetarët që kanë lëvizur gjatë asaj kohe.

Paralajmëron nënkryetari: Prishtina mund t’i rikthehet karantinës, qytetarët i kanë 3 obligime

“Mendoj që përveç punëtorëve të shëndetësisë që kanë qenë “top” në kryerjen e detyrave të vet, edhe policët e Kosovës e kanë kryer jashtëzakonisht detyrën e vet. Në kohën e karantinimit të Prishtinës 26 patrulla të policisë kanë qenë në pikat hyrje-daljes së Prishtinës. Edhe ditët e parafundit kur edhe ka qenë ditë jashtëzakonisht e keqe unë gati çdo të dytën ditë kam qenë në teren dhe i kam parë policët që në kohë me mot të ftohtë kanë kontrolluar automjetet që kanë hyrë në territorin e Prishtinës. Kish me qenë mirë që edhe tani të kontrollohen pak më tepër, me qenë pak më strikt në respektimin e masave që janë ndërmarrë. Por që nuk mund të vendosim ndonjë rend policor këtu, vet duhet të jemi pak më fleksibil në këtë moment./Front Online/

Autobusët lëvizin prej 18 majit me numër të reduktuar të udhëtarëve