×
  • Lajme
  • Ekonomi
  • Ekonomi

    11 vdekje në vendin e punës gjatë 2023-tes, Inspektorati shqiptoi mbi 1 mijë gjoba

    FrontOnline
    07 Shkurt 2024

    Mohimi i pushimeve vjetore, mospagesa për orët jashtë orarit, ndërprerjet e kontratave, kushtet e punës, janë disa nga sfidat që punëtorët e sektorit privat përballen më së shumti.

    Kështu kanë bërë të ditur për Front Online nga Inspektorati i Punës.

    “Numri më i madh i ankesave adresuar në IQP ka të bëjë me pretendimet se ju mohohen të drejtat si për pushimet vjetore, moskompensimi i orëve jashtë orarit të rregullt të punës, gjatë fundjavës, ditëve të festave zyrtare, pushimit të lehonisë, kushteve të punës, ndërprerjet e kontratave të punës etj”, thuhet në përgjigjen e tyre.

    Në një përgjigje për Front Online, nga Inspektorati i Punës kanë thënë se vetëm në vitin e kaluar kanë vdekur 11 persona në vendin e punës.

    Më së shumti, këto aksidente kanë ndodhur në sektorin e ndërtimtarisë.

    “Gjatë vitit 2023 kemi të evidentuara 11 raste të vdekjeve në vendin e punës, ndërsa gjatë muajit janar nuk kemi pasur aksidente me fatalitet. Ndërtimtaria është sektori që më së shumti kemi pasur aksidente në vendin e punës”, thuhet në përgjigjen e Inspektoratit për Front Online.

     

     

    Inspektorati i Punës: Do ta rrisim numrin e inspektorëve nga 63 në 120 këtë vit

     Inspektorati i Punës në Kosovë si institucioni primar që përkujdeset për të drejtat e punëtorëve në vend thonë që në vitin e kaluar ka shqiptuar mbi 1 mijë gjoba.

    “Gjatë vitit 2023, Inspektorati i Punës ka shqiptuar 1067 masa ndëshkimore”, thuhet në përgjigjen e inspektoratit.

    Madje, nga inspektorati thonë që do të rritet numri i inspektorëve në 120, nga 63 sa janë tani.

    E me këtë, do të bëhen edhe më shumë inspektime.

    “Inspektorati i Punës ka të punësuar 63 inspektorë të punës, gjatë këtij viti do të rritet numri i tyre deri në 120. Me rritjen e numrit të inspektorëve të punës kemi edhe rritjen e numrit të inspektimeve të cilat drejtpërdrejt ndikojnë në rritjen e mbikëqyrjes së zbatimit të legjislacionit”, kanë thënë nga Inspektorati i Punës

     

    Inspektorati i Punës: Vërehet mungesa e fuqisë punëtore, më së shumti në ndërtimtari

    Front Online ka pyetur Inspektoratin e Punës nëse ka mungesë të punëtorëve në sektorin privat.

    Ata në një përgjigje për Front Online e kanë pohuar duke thënë që po vërehet mungesa e fuqisë punëtorë.

    “Si në ndërtimtari njashtu edhe në sektorë të tjerë vërehet mungesa e fuqisë punëtore”, kanë thënë për Front Online nga Inspektorati i Punës së Kosovës.

    Paga minimale në Kosovë aktualisht është 130 euro për punëtorët nën 35 vjeç dhe 170 euro për punëtorët deri në 65 vjeç.

    Vlera e pagës minimale në Kosovë nuk ka ndryshuar që nga viti 2011 dhe është më e ulëta në Evropë, sipas Agjencisë Evropiane të Statistikave, Eurostat.

    Kuvendi i Kosovës, vitin e kaluar ka miratuar në lexim të dytë Pagën Minimale prej 264 euro bruto, por i njëjti Ligj është dërguar në Kushtetuese nga AAK-ja.

    Sipas një studimi të Institutit për Hulumtime të Avancuara GAP, të publikuar në muajin prill të vitit të kaluar, janë më shumë se 100 mijë punëtorë në Kosovë që marrin pagë minimale.

    Mbi 94 për qind e tyre janë të punësuar në sektorin privat.

     

     

    Zgjerimi i Comoditës në SHBA: “Nap Queen Sleep”, krenaria e shqiptarëve
    Nga Rubrika
    Lajme01 Mars 2024
    Seanca ndaj ministrit të Punëve të Brendshme, Xhelal Sveçla, tashmë ka nisur. Ai akuzohet për hedhje të gazit lotsjellës në vitin 2019...
    Kronika01 Mars 2024
    Një person në Prishtinë ka raportuar se i është vjedhur vetura e cila ka qenë e parkuar. Vjedhja e veturës ka ndodhur...
    Kronika01 Mars 2024
    Një burrë është arrestuar në Prishtinë pasi që i njëjti duke mos i zbatuar urdhërat e ka sulmuar fizikisht një polic të...
    Të tjera
    Lajme01 Mars 2024
    Sot do të mbahet mbledhja e Kryesisë së Kuvendi të Kosovës. Rendi i ditës I. Miratimi i procesverbalit të mbledhjes së mëparshme...
    Bota/Rajoni01 Mars 2024
    Njëmbëdhjetë persona janë shtruar në spital dhe rreth 130 janë evakuuar pasi një zjarr i madh shpërtheu në një ndërtesë banimi në...
    Lajme01 Mars 2024
    Sot duke filluar nga ora 09:00 do të mbahet seanca ndaj Ministrit të Brendshëm të Kosovës, Xhelal Sveçla. Ai akuzohet për hedhje...
    Vip01 Mars 2024
    Artistja e njohur shqiptare, Xhensila Myrtezaj është duke përgatitur një projekt të ri muzikor edhe pas raportimeve të shumta për ndarjen nga...
    Lajme01 Mars 2024
    Ish-ministri i Punëve të Jashtme, Behgjet Pacolli ka deklaruar për Front Online se çështja e dinarit nuk është dashur fare të jetë...
    Bota/Rajoni01 Mars 2024
    Ndarja e fondeve për Ukrainën është thelbësore. Kështu deklaroi kreu i Pentagonit, Lloyd Austin, duke nënvizuar se nëse Ukraina humbet luftën, vendet...

    FrontOnline, © 2024 Të gjitha të drejtat e rezervuara.