Kryetari i Komunës së Skenderajt, Bekim Jashari, ka përkujtuar ish-ushtarin e UÇK-së, dëshmorin dhe heroin e Kosovës, Ismet Rrahmani, në 22-vjetorin e rënies së tij në altarin e lirisë.

Ai në një postim në Facebook ka shkruar se Ismet Rrahmani ishte një mësues i vyer, patriot dhe ushtar i betuar për mbrojtjen e vendit kundër pushtuesit serb.

“Angazhimi i tij në edukimin e brezave të rinj nën frymën patriotike dhe lufta heroike e bënë atë të paharruar dhe pjesë të historisë sonë të lavdishme.
Lavdi të përjetshme heroit tonë Ismet Rrahmani! Lavdi të gjithë atyre që ranë për të mos vdekur kurrë!”, shkruan Jashari.