×
  • Lajme
  • Lajme

    ​Likaj për fillimin e mësimit në veri: Kjo është politikë 20-vjeçare, nuk e kemi shkopin magjik për ta ndryshuar

    FrontOnline
    02 Shtator 2020

    Ministri i Arsimit, Ramë Likaj, thotë se ka informacione se institucionet që janë në komunat veriore kanë nisur mësimin edhe pse autoritetet qendrore kanë vendosur që një gjë e tillë të mos bëhet deri më 14 shtator. Për këtë, Likaj tha se është politikë 20 vjeçare dhe se nuk kanë mundësi të bëjnë ndryshime me shkop magjik.

    Këto deklarata, Likaj i bëri gjatë vizitës ne shkollën “Pjetër Bogdani” në Prishtinë, së bashku me përfaqësuesit e SBASHK-ut dhe drejtoreshën e DKA-së në Prishtinë, Shpresa Shala, panë nga afër përgatitjet që po bëhen në këtë institucion për fillimin e vitit të ri shkollor.

    Ministri i Arsimit, Ramë Likaj ka njoftuar se në 30 komunat e Kosovës po bëhen përgatitjet për fillimin e vitit të ri shkollor dhe se pjesa dërrmuese e tyre janë duke punuar maksimalisht në këtë aspekt.

    Ai premtoi përkrahje për të gjitha institucionet arsimore, duke theksuar se para pak ditëve ka vizituar disa shkolla edhe në pjesën veriore, megjithatë pohoi se kjo pjesë ka filluar mësimin online në bazë të plan programit të Qeverisë së Serbisë.

    Likaj: S’kemi shkop magjik për të ndryshuar situatën 20-vjeçarë në veri

    “Ministria e Arsimit, Qeveria e Kosovës është qeveri e të gjithë qytetarëve të saj. Ne kemi marrë informacione se ata kanë filluar mësimin online. Kjo është politikë 20 vjeçare, e cila nuk është zgjidhur. Ne nuk e kemi shkopin magjik. Jemi duke e bërë më të mirën edhe për ta”, u shpreh ai.

    Kryetari i SBAShK-ut, Rrahman Jashari tha se përzgjedhja e shkollave sot është bërë në mënyrë të rastësishme, e ndër të tjera u shpreh i kënaqur me përgatitjet qe janë bërë në këtë shkollë.

    Jashari: Besoj që edhe shkollat tjera do të jenë të përgatitura me 14 shtator

    “Gjatë këtyre dy javëve edhe shkollat e tjera edhe institucionet arsimore në Kosovë, besoj do të jenë të përgatitura dhe me 14 shtator të fillojë me sukses vitin e ri shkollor”, tha ai.

    I pyetur në lidhje me deklaratat e tij se edhe pas dy javësh mund të shtyhet mësimi, Jashari deklaroi se ky do të ishte skenari në rast se nuk do të bëheshin përgatitjet e nevojshme por që këto përgatitje janë duke ndodhur në të gjithë vendin.

    Jashari: Në Prishtinë por edhe në komunat tjera janë duke u bërë përgatitjet

    “Këto deklarata kanë qenë të lidhura me pyetjet që i kanë bërë mediat se çka nëse nuk bëhen përgatitjet. Përgjigja ka qenë natyrale, nëse nuk bëhen përgatitjet ne do të kishim dalë me një apel. Jo vetëm në Prishtinë por edhe në komunat e tjera janë duke u bërë përgatitjet, dhe nëse vazhdon ky aktivitet, atëherë institucionet e Republikës së Kosovës do të jenë të gatshme”, ka deklaruar ai.

    Sipas drejtoreshës së DKA-së ne Prishtinë, Shpresa Shala, Komuna e Prishtinës ka bërë të gjitha përgatitjet për fillimin e vitit të ri shkollor me 14 shtator. Sipas saj, 46 institucione edukatoivo-arsimore janë rinovuar gjatë muajve të verës.

    Shala: 46 institucione edukativo-arsimore janë rinovuar gjatë verës

    “Është nënshkruar kontrata dhe është në proces bartja e të gjitha materialeve te cilat janë të përfshira në udhëzuesit nga Ministria e Arsimit. Po ashtu kemi marrë informacione për numrin e nxënësve te cilët kanë probleme shëndetësore. Janë pajisur shkollat me dezinfektues dhe janë duke u bartur pajisjet e tjera. Gjithashtu kemi bërë renovime gjatë periudhës së verës në 46 institucione edukativo-arsimore për të përmirësuar kushtet higjienike dhe sanitare në gjithë komunën e Prishtinës”, u shpreh ajo.

    Ajo ka theksuar se numri i fëmijëve që janë në çerdhe është 50 për qind më i vogël se sa janë të regjistruar gjatë kësaj kohe, derisa edhe janë liruar nga pagesa.

    Nga Rubrika
    Lajme08 Janar 2025
    Ministri i Punëve të Brendshme, Xhelal Sveçla, ka reaguar pas aksionit të sotëm të policisë në veri të vendit, që rezultoi me...
    Lajme08 Janar 2025
    Lidhja Demokratike e Kosovës të shtunën e hap fushatën zgjedhore në Pallatin e Rinisë nga ora 17:00. Në ftesë thuhet se aty...
    Lajme08 Janar 2025
    Gjendja shëndetësore e babait të ish-presidentit Hashim Thaçi është përmirësuar, pas kujdesit mjekësor që po merr në Qendrën Klinike Universitare të Kosovës....
    Të tjera
    Vip08 Janar 2025
    Xheneta dhe Leo kanë vazhduar debatin deri në përplasje goxha të ashpra. Leo pasi e quajti Xhenetën “Gold Digger”, Xheneta e pyeti...
    Vip08 Janar 2025
    Një situatë kaotike u shkaktua kur Rovena gjeti një letër tek shtrati i saj. Aty ajo u shpreh se qëndronte një mesazh...
    Lajme08 Janar 2025
    Dy raste të dhunës në familje janë raportuar brenda 24 orëve në Kosovë. Njoftimi: DHUNË NË FAMILJE · Gllogoc / 07.01.2025 – 15:00. Është...
    Vip08 Janar 2025
    Debati mes Drilonit dhe Leos ka vazhduar edhe në një nivel tjetër. Teksa Leo po fliste për finalistë, Driloni iu referua me...
    Vip08 Janar 2025
    Driloni ka ngacmuar Leon për raportin e tij me Lelën. Befas në komentim e sipër, ai u shpreh se Leo nuk e...
    Bota/Rajoni08 Janar 2025
    Kina sërish është goditur nga një tërmet i fuqishëm. Të mërkurën atje pati dridhje të tokës, me magnitudë 5.5 shkallë të Rihterit....

    FrontOnline, © 2025 Të gjitha të drejtat e rezervuara.