​BE dhe OBSH homazh për viktimat e COVID-19

Spanja do të zhvillojë një homazh kombëtar për viktimat e coronavirusit më 16 korrik, me pjesëmarrjen e drejtuesve të lartë të BE-së dhe drejtorit të përgjithshëm të OBSH-së, njoftoi sot kryeministri Pedro Sanchez.

“Ceremonia shtetërore në kujtim të 27 000 bashkatdhetarëve që kanë humbur jetën si dhe personave që kanë qenë në vijën e parë të luftës kundër pandemisë gjatë këtyre tre muajve do të zhvillohet më 16 korrik”, tha kryeministri në Dhomën e deputetëve.

“Kjo ceremoni do të drejtohet nga mbreti i Spanjës, Felipe VI”, shtoi ai.

Presidenti i Këshillit Evropian, Charles Michel, presidentja e Komisionit Evropian, Ursula von der Leyen, presidenti i Parlamentit Evropian, David Sassoli, përfaqësuesi i lartë i Bashkimit Evropian, Josep Borrell, si dhe drejtori i përgjithshëm i OBSH-së, Tedros Adhanom Ghebreyesus, do të jenë të pranishëm”, tha Sanchez, pa dhënë detaje për vendin e këtij homazhi.

Qeveria spanjolle dekretoi më 26 maj, 10 ditë zie kombëtare në kujtim të viktimave të pandemisë, zija më e gjatë që prej rivendosjes së demokracisë spanjolle në vitin 1977, pas diktaturës së Francisco Francos./atsh

Benzinë vetëm 1.05 euro në Petrol Company e shumë zbritje tjera në “Be Happy Restorant” dhe Market

Sponsoruar