×
  • Lajme
  • Ekonomi
  • Ekonomi

    ​ASK: Deficit më i ulët tregtar në nëntor 2020 në raport me periudhën e njëjtë 2019

    FrontOnline
    23 Dhjetor 2020

    Agjencia e Statistikave të Kosovës (ASK) ka publikuar të dhënat lidhur me rrjedhat e eksportit dhe importit për muajin nëntor 2020.

    Të dhënat nga tregtia e jashtme të mallrave në Kosovë tregojnë për një deficit tregtar më të ulët për 0.9% në nëntor 2020, në raport me periudhën e njëjtë 2019, gjegjësisht në vlerë 259.9 milionë euro, krahasuar me deficitin 262.2 milionë më 2019. Eksporti mbulon importin me 15 për qind.

    Eksporti i mallrave në nëntor 2020 kishte vlerën 45.7 milionë euro, ndërsa importi 305.7 milionë që është një rritje 29.4% për eksport dhe 2.7% për import, krahasuar me periudhën e njëjtë 2019.

    Sipas të dhënave të grupeve kryesore të eksportit: 34.2% të eksporteve e përbëjnë metalet bazë dhe artikujt prej tyre; 14.8% e përbëjnë artikujt e ndryshëm të prodhuar; 11.8% e përbëjnë plastika, goma dhe artikujt prej tyre; 9.5% e përbëjnë ushqimet e përgatitura, pijet dhe duhani; 6.4% e përbëjnë produktet bimore; 4.4% e përbëjnë produktet minerale, etj.

    Ndërsa sipas të dhënave të grupeve kryesore për import: 14.1% e përbëjnë makineritë, pajisjet mekanike dhe elektrike; 12.2% e përbëjnë ushqimet e përgatitura, pijet dhe duhani; 11.2% e përbëjnë metalet bazë dhe artikujt prej tyre; 10.5% e përbëjnë produktet minerale; 9.3% e përbëjnë produktet e industrisë kimike; 8.0% e përbëjnë mjetet e transportit, etj.

    Eksportet e Kosovës në vendet e BE-së arritën në 16.9 milionë euro, ose rreth 37% e eksporteve të përgjithshme, me një rritje prej 8.5%. Partnerët kryesorë për eksportin e mallrave në BE ishin Italia (11.0%), Gjermania (9.8%), Holanda (4.2%), etj.

    Importet e Kosovës nga vendet e BE-së ishin rreth 139 milionë euro ose 45.5% e importeve të përgjithshme, me një rënie 1.8%. Importet me pjesëmarrje më të lartë ishin nga Gjermania (13%), Italia (7.3%), Greqia (3.6%), Polonia (3.0%), Sllovenia (3%) etj.

    Në nëntor 2020, eksportet e Kosovës me vendet e CEFTA-s arritën në 18.1 milionë euro, ose 39.7% të eksporteve të përgjithshme, me një rritje prej 32.1%. Partnerë kryesorë për eksport nga vendet e CEFTA-s ishin Shqipëria (17.8%), Maqedonia e Veriut (10.6%), Serbia (6.5%), dhe Mali i Zi (3.7%).

    Ndërsa, importet nga vendet e CEFTA-s në nëntor 2020 arritën në 64.1 milionë euro, ose 21% të importeve të përgjithshme, me një rritje prej 55.4%. Vendet me pjesëmarrje më të lartë për import ishin Shqipëria (6.6%), Serbia (6.5%) dhe Maqedonia e Veriut (5.5%).

    Eksportet e Kosovës me vendet e tjera të botës arritën në 10.6 milionë Euro, ose 23.4%. Si partnerë më të rëndësishëm nga këto vende për eksport vlen të përmenden: Zvicra (10.1%) dhe SHBA (7.5%). Ndërsa importet e Kosovës me vendet e tjera të botës arritën në 102.4 milionë euro ose 33.5%. Vendet me pjesëmarrje më të lartë për import në këtë grup ishin Turqia (11.9%) dhe Kina (10.6%).

    Njoftimet nga KEDS për punimet në rrjet, vendet që do të mbesin pa rrymë
    Nga Rubrika
    Lajme29 Maj 2024
    Deputeti i PDK-së, Bekim Haxhiu, ka thënë se ishte kundër takimit mes shefit të partisë së tij, Memli Krasniqit dhe kryeministrit të...
    Lajme29 Maj 2024
    Një person është arrestuar në Leposaviq për “vjedhje identiteti”. Rastin për Klankosova.tv e ka konfirmuar zëvendësdrejtori i Policisë së Kosovës për rajonin...
    Lajme29 Maj 2024
    Bernard Nikaj Sekretar për Marrëdhënie Ndërkombëtare në  PDK tha se kanë provuar që të i’a shkurtojnë Kurtit mandatin së paku për tetë...
    Të tjera
    Bota/Rajoni29 Maj 2024
    Izraeli të mërkurën dërgoi tanke për të sulmuar Rafahun dhe njoftoi se lufta në Gaza do të vazhdojë gjatë gjithë vitit. Tanket...
    Lajme29 Maj 2024
    Kryetari i Aleancës për Ardhmërinë e Kosovës (AAK), Ramush Haradinaj, ka thënë se koalicioni me Nismën Socialdemokrate, Listën Konservatore dhe Forumin Intelektual...
    Lajme29 Maj 2024
    “Kurrë dora ime nuk qohet ta votojë një koalicion me kryeministër Albin Kurtin. Mund të votoj çfarëdo koalicioni me Bedri Hamzën kryeministër....
    Lajme29 Maj 2024
    Gjatë vizitës zyrtare në Kanada, zëvendëskryeministrja dhe ministrja e Punëve të Jashtme dhe Diasporës, Donika Gërvalla, është pritur në takim nga senatori,...
    Lajme29 Maj 2024
    Daut Haradinaj nga AAK-ja thotë se kryeministri i Kosovës, Albin Kurti po përqan shqiptarët në Luginë. Haradinaj thekson se, kjo përçarje e...
    Lajme29 Maj 2024
    Fondi i Kosovës për Efiçiencë të Energjisë (FKEE) njofton të gjithë përfituesit e thirrjes “ZBATIMI I MASAVE TË EFIÇIENCËS SË ENERGJISË PËR...

    FrontOnline, © 2024 Të gjitha të drejtat e rezervuara.