UEFA e ka marrë sot vendimin për ndeshjen e ndërprerë mes Rumanisë dhe Kosovës.
Shtëpia e futbollit evropian vendosi që këtë ndeshje ta regjistrojë me rezultat zyrtar 3:0 për rumunët, pas mbledhjes së Komisionit Disiplinor të saj.
Shtëpia e futbollit evropian e pa fajtore palën kosovare për tërheqje nga loja në minutat shtesë dhe për mosbindje të urdhrit të referit për t’u rikthyer në fushën e blertë.
Gjithashtu, dy kombëtaret u gjobitën për ato që ndodhën të premten mbrëma në stadiumin “National Arena” në Bukuresht.
Federata Rumune e Futbollit u gjobit 50 mijë euro dhe me një ndeshje pa praninë e shikuesve si vendëse për shkak të thirrjeve raciste ose diskriminuese të tifozëve të saj. /Express
