Florent Hasanit nuk i ka ecur mirë aventura në Izrael, derisa është larguar nga elita e futbollit izraelit.

Ish-futbollisti i Trepçës ’89 është rikthyer sërish në Hungari, shkruan FrontOnline.

Reprezentuesi i Kosovës i është bashkuar Gyirmotit, skuadër e cila u inkuadrua sivjet në elitë.

Njoftimi i plotë i klubit hungarez:

“Klubi ynë nënshkroi një kontratë dy-vjeçare me futbollistin Florent Hasani”.

“Anësori 24-vjeçar, i cili më parë ishte zgjedhur si më i miri në Superligën e Kosovës, nuk do të jetë një risi për futbollin hungarez, pasi ai ka luajtur për Diosgyor në 91 ndeshje , duke shënuar dhjetë gola”.

“Florent fitoi Kampionatin e Kosovës me KF Trepça’89 Mitrovicë në moshën 19 vjeç (duke shënuar 16 gola në 33 ndeshje dhe duke dhënë 12 asistime) si dhe një Superkupë dhe ishte i rregullt në ekipin kombëtar U21 të Kosovës”.

“Ai ka luajtur në ekipin e të rriturve të Kosovës tetë herë deri më tani, ku tashmë ka shënuar një gol”./FrontOnline/