Eric Garcia e ka ndjekur Sergio Agueron duke u transferuar te Barcelona nga Manchester City, derisa ka nënshkruar kontratë pesëvjeçare në “Camp Nou”.
Garcia u zyrtarizua nga Barcelona gjatë mëngjesit të sotëm, derisa ai i bashkohet klubit me parametra zero, shkruan FrontOnline.
20-vjeçari i ka kaluar katër vitet e fundit te Manchester City, por tashmë është rikthyer aty ku e nisi karrierën.
“Barcelona dhe Eric Garcia kanë arritur marrëveshje që futbollisti t’i bashkohet klubit nga 1 korriku, pasi t’i skadojë kontrata me Manchester Cityn”, thuhet në njoftimin e Barcelonës.
“Futbollisti do të nënshkruajë kontratë pesëvjeçare dhe do ta ketë një klauzolë lirimi prej 400 milionë eurosh”, thuhet më tej./FrontOnline/
