Jeton Zogjani profesion e ka humorin, por e paraqet veten seriozisht si analist politik, e se fundmi edhe si analist futbolli, shkruan Insporti.
I ftuar në emisionin “Ekipi Evropian” në televizionin ATV, dedikuar Kampionatit Evropian “Euro2020”, Zogjani bëri edhe një analizë rreth luftës së fundit në Kosovë, duke ofenduar njerëzit se kanë ikur me kule.
“Problemi është që krejt konteksti i futbollit ndërlidhet me politikën, këtu nuk varet dëshira apo vullneti e dikujt, është koncept politik dhe në nuk guxojna me dalë, se ne si shqiptarë si anej si knej kufinit nuk jemi patriota. Na jemi patriota veç 0.03% se jena ikë në kule. Kjo lidhet me patriotizëm, e dimë. Jena veshë me kule të grave dhe jena ikë, 0.03% kanë luftu. Sikur të kishim luftu kishim bo një shtet pa nevojën e NATOs, kemi qenë frikacakë dhe sit ë tillë varemi nga Bashkësia Ndërkombëtare” – tha Zogjani.
Gjatë kësaj analize, ai konkludoi edhe se Kombëtarja e Shqipërisë ishte kualifikuar në “Euro2016” me ndihmën e dronit.
“Qeta lojtarë kosovarë që kanë qenë pjesë e Kombëtares së Shqipërisë i ka kualifiku droni, të jemi të sinqertë.”
“Nuk po du me vë faj mbi Shqipërinë apo Kosovës, si tërsi s’kemi kallëzu rezultat dhe droni na ka kualifiku”.
Ndryshe, për kualifikimet “EURO 2016”, Shqipëria ishte përballur me Serbinë në Beograd dhe situata ishte e tensionuar nga fillimi pasi për Shqipërinë po luanin shumica kosovarë që përfaqësonin Shqipërinë.
Agresori diplomatik serb lobonte vazhdimisht kundër Kosovës dhe nje ndeshje me Shqipërinë u parashikua të kishte tensione, por jo deri në ato përmasa sa të ndërpritej ndeshja.
Ishte fund i pjesë së parë ku Ballist Morina hodhi dronin mbi stadiumin e Beogradit ku po zhvillohej ndeshja, duke shkaktuar dhunë në mes lojtarëve të Shqipërisë dhe atyre serb që kishin mbrotje fizike edhe nga tifozët që u lejuan nga forcat e sgurisë serbe të dilnin në fushë. Ky administrimi i keq i situatës me dronin la Serbinë me minus pikë në grup.
Kështu, Shqipëria ishte kualifikuar për herë të parë në Kampionatin Evropian në vitin 2016, por atëkohë Kombëtarja e Shqipërisë nuk arriti të kalonte fazën e grupeve në kampionatin europian përkunder asaj se doli e treta në grup duke e mposhur Rumaninë, por u mposht nga Zvicra dhe Franca.
