Zinedine Zidane është paraqitur në konferencën për shtyp para ndeshjes së parë mes Real Madridit dhe Liverpoolit të martën.

Trajneri francez fillimisht është pyetur nëse “Los Blancos” janë nënvlerësuar për këtë sfidë, gjë me të cilën ai pajtohet, shkruan FrontOnline.

“Mirë, unë mendoj kështu. Ne meritojmë besim. Ajo që mund të bëjmë është të fokusohemi te puna jonë”, ka thënë Zidane.

“Kjo skuadër asnjëherë nuk dorëzohet për asgjë”, tregoi francezi.

Duke folur për ndeshjen e nesërme, Zidane foli fjalë të mira për homologun e tij, Jurgen Klopp.

“Ai është trajner i mrekullueshëm. Ai ka përvojë dhe ka bërë punë të mirë në karrierën e tij”, shtoi ai./FrontOnline/