×
  • Lajme
  • Lajme

    Zgjidhet Kryeprokurori i Prokurorisë së Apelit dhe kryeprokurorët e 6 prokurorive themelore

    FrontOnline
    24 Dhjetor 2020

    Xhevdet Bislimi është zgjedhur kryeprokurori i Prokurorisë së Apelit. Po ashtu në takimin e së enjtes të Këshillit Prokurorial i kryesuar nga Bahri Hyseni janë zgjedhur edhe kryeprokurorët e 6 prokurorive themelore në Kosovës.

    Takimi i sotëm ka filluar me shqyrtimin e Rregullores për angazhimin dhe përcaktimin e tarifave për kompensimin e përkthyesve dhe interpretëve që angazhohen në sistemin prokurorial, Rregullore e cila edhe u miratua nga anëtarët e Këshillit.

    Në vazhdim u prezantua dhe u diskutua Raporti i Komisionit për rishqyrtim të kundërshtimeve të paraqitura nga kandidatët për kryeprokurorë të prokurorive themelore të Gjakovës, Gjilanit, Prizrenit dhe Pejës.

    Pas diskutimeve, Këshilli ka miratuar pjesërisht këtë raport, ku si rrjedhojë u refuzuan kundërshtimet e paraqitura nga kandidatët.

    Më pas, Këshilli ka zhvilluar procesin e votimit për zgjedhjen e Kryeprokurorit të Prokurorisë së Apelit dhe kryeprokurorëve të 6 prokurorive themelore.

    Kryeprokuror i Prokurorisë së Apelit, me 11 vota për dhe asnjë kundër, është zgjedhur Xhevdet Bislimi.

    Kryeprokuror i Prokurorisë Themelore të Pejës, me 11 vota për dhe asnjë kundër, është zgjedhur Agim Kurmehaj.

    Kryeprokuror i Prokurorisë Themelore të Ferizajt, me 11 vota për dhe asnjë kundër, është zgjedhur Shukri Jashari.

    Kryeprokuror i Prokurorisë Themelore të Mitrovicës, me 10 vota për dhe 1 kundër, është zgjedhur Ismet Ujkani.

    Për Kryeprokuror të Prokurorisë Themelore në Prizren gara u zhvillua në mes të prokurorëve Admir Shala dhe Ervehe Gashi, ku pas procesit të votimit Admir Shala është zgjedhur kryeprokuror i kësaj prokurorie me 7 vota për. Ndërsa kundër kandidatja e tij mori 4 vota.

    Për Kryeprokuror të Prokurorisë Themelore në Gjilan gara u zhvillua në mes të prokurorëve Arben Kadriu dhe Agron Uka, ku pas procesit të votimit Arben Kadriu është zgjedhur kryeprokuror i kësaj prokurorie me 6 vota për. Ndërsa kundër kandidatja e tij mori 5 vota.

    Ndërsa, për Prokurorinë Themelore të Gjakovës do të rishpallet konkursi, sepse kandidatja për kryeprokurore, Ardita Beqiraj-Hyseni nuk u votua për këtë pozitë.

    Në fund të takimit, Këshilli miratoi Raportin e Komisionit për rivlerësimin e performancës së 4 prokurorëve.

    Filloi aplikimi për gjeneratën e 10-të të KEDS Academy për nxënës dhe studentë të rinj
    Nga Rubrika
    Lajme29 Maj 2024
    Një person është arrestuar në Leposaviq për “vjedhje identiteti”. Rastin për Klankosova.tv e ka konfirmuar zëvendësdrejtori i Policisë së Kosovës për rajonin...
    Lajme29 Maj 2024
    Bernard Nikaj Sekretar për Marrëdhënie Ndërkombëtare në  PDK tha se kanë provuar që të i’a shkurtojnë Kurtit mandatin së paku për tetë...
    Lajme29 Maj 2024
    Deputeti i PDK-së, Rashit Qalaj, ka thënë se Donika Gërvalla e ka pamundësuar që babai i saj Jusuf Gërvalla të varroset me...
    Të tjera
    Lajme29 Maj 2024
    “Kurrë dora ime nuk qohet ta votojë një koalicion me kryeministër Albin Kurtin. Mund të votoj çfarëdo koalicioni me Bedri Hamzën kryeministër....
    Lajme29 Maj 2024
    Gjatë vizitës zyrtare në Kanada, zëvendëskryeministrja dhe ministrja e Punëve të Jashtme dhe Diasporës, Donika Gërvalla, është pritur në takim nga senatori,...
    Lajme29 Maj 2024
    Daut Haradinaj nga AAK-ja thotë se kryeministri i Kosovës, Albin Kurti po përqan shqiptarët në Luginë. Haradinaj thekson se, kjo përçarje e...
    Lajme29 Maj 2024
    Fondi i Kosovës për Efiçiencë të Energjisë (FKEE) njofton të gjithë përfituesit e thirrjes “ZBATIMI I MASAVE TË EFIÇIENCËS SË ENERGJISË PËR...
    Lajme29 Maj 2024
    Deputeti i VV-së, Armend Muja, sa i përket zërave për koalicion PDK-LVV, tha se nuk ka ndonjë përafrim me partinë që udhëheqet...
    Sport29 Maj 2024
    Borussia e Dortmundit do të festojë në “Wembley” pavarësisht nga rezultati i finales me Realin e Madridit. Sipas tabloidëve britanikë klubi nga...

    FrontOnline, © 2024 Të gjitha të drejtat e rezervuara.