Dy kandidatët për president të ardhshëm në Shtetet e Bashkuara të Amerikës, Donald Trump dhe Joe Biden, janë duke udhëtuar nëpër mbarë vendin derisa zgjedhjet amerikane po afrohen.

Presidenti republikan Donald Trump (74 vjeç), ka vizituar pesë shtete: Iowa, Michigan, North Carolina and Georgia dhe Florida, shkruan BBC.

Ndërsa sfiduesi i tij demokrat Joe Biden (77 vjeç) ka zhvilluar fushatën në Pennsylvania – shtet ky ku pritet të jetë një garë e ngushtë.

Sipas sondazheve të fundit, zëvendëspresidenti Biden e ka një përparësi në prag të zgjedhjeve që do të mbahen të marten.

Por këto sondazhe nuk e parashohin se si do të jenë rezultatet në shtetet kryesore që bëjnë dallimin.

Deri tani më shumë se 90 milionë njerëz kanë hedhur votat e tyre në votimin e hershëm.