×
  • Lajme
  • Lajme

    Zemaj: S’po kërkojmë braktisjen e institucioneve, Kurti le t’ia bartë kompetencat zëvendëskryeministrit

    FrontOnline
    16 Prill 2025

    Deputeti i zgjedhur nga LDK, Armend Zemaj, ka reaguar ndaj akuzave të deputetëve të VV-së se opozita po tenton të bllokojë funksionimin e institucioneve, duke thënë se është “e pamoralshme dhe qesharake” të thuhet se kërkohet braktisja e tyre.

    “Sepse t’i thuash dikujt që po kërkon braktisjen e institucioneve për shkak se po ta kërkon ty si individ, është e pabazë. Nuk janë 48 deputetë të VV-së që janë ministra e kryeministër. Kurti ka pasur mundësi të ia bartë kompetencat zëvendëskryeministrit, që është po ashtu në detyrë, dhe askush nuk do ta kishte atakuar,” ka deklaruar Zemaj.

    Ai ka theksuar se njëjtë do të duhej të vepronin edhe ministrat, duke ia kaluar kompetencat zëvendësministrave, në mënyrë që të shmangeshin përplasjet kushtetuese rreth papajtueshmërisë së funksioneve.

    Zemaj, ka deklaruar se problemi i opozitës nuk është me Albin Kurtin si person, por me përpjekjen e tij për të mbajtur njëkohësisht dy funksione: atë të kryeministrit dhe deputetit.

    “Nuk na pengon Kurti si individ, por Albin Kurti është kryeministër i Kosovës dhe njëkohësisht deputet i zgjedhur në zgjedhjet e fundit parlamentare”, ka deklaruar Zemaj në emisionin Debat Plus.

    Ai ka theksuar se Kushtetuta e Kosovës ndalon mbajtjen e dy funksioneve të papajtueshme dhe kërkon ndarjen e qartë të pushteteve – diçka që sipas tij Kurti nuk po e respekton.

    “Kurti më duket se e ka problem funksionimin normal të ndarjes së pushteteve. Nuk është shembulli i vetëm, por është shembulli më i theksuar. Tendenca për të mbajtur mandatin ekzekutiv përkundër fitimit të mandatit të deputetit është e paarsyeshme, e panevojshme dhe përbën shkelje të pastër kushtetuese”, ka deklaruar Zemaj.

    Ai ka shtuar se kjo situatë nuk duhet të tolerohet dhe se çdo politikan që merr mandat duhet të zgjedhë qartë mes pushtetit legjislativ dhe atij ekzekutiv, duke respektuar ligjin dhe Kushtetutën e Republikës.

    Nga Rubrika
    Lajme13 Maj 2025
    Kreu i Nismës, Fatmir Limaj ka thënë se nuk ka marrë ftesë nga presidentja Osmani për takimin e thirrur me subjektet politike....
    Lajme13 Maj 2025
    Një person është shoqëruar në stacion policor në Malishevë pasi dyshohet se i ka kanosur policët pas një mosmarrëveshje lidhur me shqiptimin...
    Lajme13 Maj 2025
    Përfaqësues të ambasadës amerikane në Kosovë bashkë me partnerë ndërkombëtarë qëndruan të hënën për vizitë në spitalin në Mitrovicën e Veriut. Ambasada...
    Të tjera
    Bota/Rajoni13 Maj 2025
    Enkeleda Olldashi-Heusinger nuk e mori lehtë vendimin për të hequr dorë nga shtetësia shqiptare. Edhe pse jetonte prej vitesh në Gjermani dhe...
    Bota/Rajoni13 Maj 2025
    Donald Trump ka zbarkuar në Arabinë Saudite për udhëtimin e parë të madh diplomatik të mandatit të tij të dytë. Presidenti amerikan...
    Lajme13 Maj 2025
    Analisti politik Nexhmedin Spahiu për FrontOnline ka komentuar ngërçin politik pas zgjedhjeve dhe mungesën e qartësisë rreth formimit të institucioneve të reja,...
    Bota/Rajoni13 Maj 2025
    Sonte nis Eurovisioni. Shqipërinë atje këtë vit e përfaqëson Shkodra Elektronike. Kandidati per kryeminister i Shqipërisë, Edi Rama e nisi mëngjesin me...
    Lajme13 Maj 2025
    Deputeti i Lidhjes Demokratike të Kosovës (LDK), Alban Zogaj, ka folur lidhur me ligjshmërinë e votimit të fshehtë për kryetarin e Kuvendit...
    Bota/Rajoni13 Maj 2025
    (Radio Evropa e Lirë) Më 16 maj, udhëheqës nga e mbarë Evropa do të mblidhen në sheshin “Skënderbej”, në qendër të Tiranës,...
    -->

    FrontOnline, © 2025 Të gjitha të drejtat e rezervuara.