Zëdhënësi i Komisionit Qendror të Zgjedhjeve, Valmir Elezi, bëri të ditur për “Front Online” se sot në orën 16:00, më 15 mars 2025, KQZ do të mbajë mbledhjen e radhës. Gjatë kësaj mbledhjeje, do të shpallen rezultatet përfundimtare të Zgjedhjeve për Kuvendin e Republikës së Kosovës, të mbajtura më 9 shkurt 2025.
“Ju njoftoj se sot (e shtunë, 15 mars 2025, ora 16:00) Komisioni Qendror i Zgjedhjeve do të mbajë mbledhjen e radhës dhe në rend dite është shpallja e rezultateve përfundimtare të Zgjedheve për Kuvendin e Republikës së Kosovës, 9 shkurt 2025″, njoftoi Elezi për “Front Online”.
