Probleme të reja në jetën e turbullt të dashurisë së këngëtarit Zayn Malik. Pasi u nda nga modelja Gigi Hadid vitin e kaluar, kanë dalë informacione se ai dyshohet se e ka tradhtuar me aktoren Abigail Clarke.

Këngëtari deri më tani nuk e ka konfirmuar pretendimin. Lajmi për lidhjen e supozuar u zbulua nga miku i Abigail të cilit aktorja i besoi, raportojnë mediat britanike. “Përvojat e mia me të ishin si Fifty Shades of Grey. E quajta z. Grey. Kaluam shumë mirë së bashku. Ai tha se i pëlqente figura ime, ishte shumë i prekshëm, kishte veshur një xhaketë të zezë dhe pinte alkool … Ai ishte mbi mua, ai më donte”, i tha Abigail shoqes së saj, raporton Daily Mail.

Madje, Clarke dyshohet se besonte në të ardhmen me këngëtaren sepse, sipas një miku të aktores, ai këndoi një këngë të re për të në atë kohë, ‘Dusk Till Dawn’.

Por gjithçka përfundoi në momentin që ajo pa aksidentalisht mesazhin e Gigi Hadid në celularin e tij. “Ajo i thoshte ‘Më mungon’. Isha në shok. Më bëri të ndihesha shumë e lënduar. Ai e bëri të qartë se ishte vetëm. Ai ishte aq i vëmendshëm ndaj meje sa mendova se ishte e vërtetë. Ishte shumë e turpshme”, i tha Abigail një shoqeje.

Abigail dhe Zayn thuhet se u takuan në Los Anxhelos në barin The Bungalow dhe ajo ishte e ftuar në tryezën e tij. Ajo pretendon se Zayn i është ankuar se ka shumë vajza të dobëta në Los Anxhelos dhe se ajo është e kundërta. Më pas ata shkëmbyen numra dhe filluan të rrinin shpesh.

Këngëtari thuhet se i tregoi asaj për kohën që kaloi në ‘One Direction’ dhe madje edhe për ndarjen me të fejuarën Perrie Edwards. Ai ishte i mërzitur për mënyrën se si përfundoi lidhja.

Kujtojmë, ai dhe modelja Gigi Hadid u ndanë tetorin e kaluar pasi këngëtari dyshohet se goditi mamanë e Gigit, Yolanda. Ai u dënua për katër akuza, por ai dhe Gigi vendosën që pavarësisht incidentit, ata të rrisnin së bashku vajzën e tyre Khai./FrontOnline/