Ylli i ri i Kosovës Donat Rrudhani, ka përjetuar një nder të madh nga bashkëfshatarët e tij.
Në fshatin Roganë të Kamenicës, afër shtëpisë së familjes Rrudhani, është vendosur një pankartë e Donatit, kjo pas paraqitjes shumë të mirë në fanellën e Kosovës, përcjell FrontOnline.
Në pankartë shkruhet: “Faleminderit që po na bën krenar”.
Kujtojmë se 23-vjeçari debutoi zyrtarisht me Përfaqësuesen A të Kosovës në qershor të këtij viti, në kuadër të ndeshjeve në Ligën e Kombeve. Ai luajti kundër Irlandës së Veriut dhe Greqisë./FrontOnline/
