Xhuli Nura po vazhdon rrugëtimin e saj në Big Brother VIP Kosova kur kanë mbetur më pak se një javë deri në përfundimin e tij.
Modelja nga Drenica, e cila është kthyer në një ndër personazhet më të komentuara në shtëpinë e famshme së fundmi ka qëndruar larg debateve.
Ajo u pa e vetme në oborrin e shtëpinë e distancuar nga pjesa tjetër e banorëve ndërsa shihet e përlotur.
Në një moment vjen Stresi për të pyetur se çfarë kishte, por Xhuli ka refuzuar t’i përgjigjej.
Kujtojmë që teksa finalja e madhe është afër kanë mbetur pak banorë që janë në garë për çmimin e madh prej 200 mijë eurosh.
Për këtë tashmë është hapur televotimi se cilët prej banorëve të mbetur do të donit t’i dërgoni në finale.
