Taulant Xhaka, futbollisti i ekipit të Baselit, humbi kontrollin në ndeshjen e datës 7 maj kundër Zurichut, kur në minutën e 102-të të pjesës së dytë, goditi me kokë kundërshtarin e tij, Nikola Katic nga Kroacia.

Ky veprim i papërshtatshëm u ndëshkua me karton të kuq dhe pas tij, mesfushori shqiptar u pezullua për tetë ndeshje.

Në një intervistë të zhvilluar për mediat BaZ dhe Blick, për herë të parë, 32-vjeçari shfaqet i penduar. Ai tregoi se gjatë gjithë ndeshjes ishte provokuar nga kundërshtari dhe se në fund nuk mundi të kontrollonte nervat pasi kroati i shau familjen.

“Kam humbur kontrollin dhe kjo është diçka që nuk duhet të ndodhë më. Veprimi im nuk ka vend në fushën e futbollit. Djali im dhe bashkëshortja e panë ndeshjen dhe nuk më pëlqeu fare kur më pyetën në shtëpi nëse ishte faull, ose kur ai provoi të më imitojë. Kjo gjë nuk më bëri të ndjehem mirë.