Në orët e pasditës, policia në Vushtrri ka arrestuar G.A, 23-vjeçar të dyshuar për veprën penale “ Blerje, posedim, shperndarje dhe shitje të paautorizuar të substancave narkotike’’”.
Mbi dyshime të arsyeshme është identifikuar dhe arrestuar personi i dyshuar tek i cili gjatë kontrollit në çantën e krahut i janë gjetur dhe sekuestruar 77 qese me substancë të dyshuar narkotike me peshë 66 gram dhe një sprej.
“Në cilësi të të dyshuarit është intervistuar 23 vjeçari, shtetas i Republikës së Kosovës, ndaj të cilit prokurori i ka caktuar masen e ndalimit policor. Hetimet e mëtejme lidhur me rastin po i vazhdon njësia përkatëse e antidrogave”, thuhet në komunikatën e PK-së.
