×
  • Bota/Rajoni
  • Bota/Rajoni

    Vuçiq thotë se nuk e ka ndryshuar vendimin për ta vizituar Moskën

    FrontOnline
    16 Prill 2025

    Presidenti i Serbisë, Aleksandar Vuçiq, ka thënë të mërkurën se nuk e ka ndryshuar vendimin për të udhëtuar në Rusi, për të marrë pjesë në festën ruse të “Ditës së Fitores” në Luftën e Dytë Botërore, më 9 maj në Moskë.

    Në një fjalim drejtuar publikut, Vuçiq tha se do të jetë në kryeqytetin rus me një njësi të Ushtrisë së Serbisë, e cila do të marrë pjesë në ceremoni.

    Shefja e diplomacisë së Bashkimit Evropian, Kaja Kallas, i ka paralajmëruar liderët e Ballkanit të mos marrin pjesë në paradën e “Ditës së Fitores” të Vladimir Putinit në Moskë muajin e ardhshëm.

    “E kemi bërë shumë të qartë që nuk duam që asnjë vend kandidat [i BE-së] të marrë pjesë në këto ngjarje më 9 maj në Moskë”, tha Kallas të hënën, duke iu referuar kryesisht gjashtë vendeve të Ballkanit Perëndimor që shpresojnë t’i bashkohen bllokut.

    Vuçiq theksoi se “deri në këtë moment” nuk e ka ndryshuar vendimin për udhëtimin e tij, duke shtuar “do të shohim si do të rrjedhin gjërat”.

    “Nuk e di çfarë lloj sanksionesh mund të vendosen, a do të mund ta përballojë ushtria këtë presion apo jo”, u shpreh ai, duke folur për masat e mundshme ndëshkuese nga Perëndimi për shkak të pjesëmarrjes në paradën në Moskë.

    Vuçiq tha gjithashtu se nuk ka qenë në Moskë për më shumë se tri vjet dhe se nuk është takuar zyrtarisht me Putinin që nga nëntori i vitit 2021, “për dallim nga shumë liderë evropianë”.

    Pavarësisht thirrjeve nga Brukseli, Serbia vazhdon të mos pranojë të vendosë sanksione ndaj Rusisë, më shumë se tri vjet pas fillimit të pushtimit të plotë të Ukrainës. /REL

    Nga Rubrika
    Bota/Rajoni10 Maj 2025
    Në Shqipëri që nga mesnata ka filluar heshtja zgjedhore, ndërsa sot është ndaluar çdo aktivitet politik publik në përputhje me ligjin zgjedhor,...
    Bota/Rajoni10 Maj 2025
    Një nga ndihmësit kryesorë të ish-presidentit amerikan Donald Trump ka deklaruar se administrata është “duke shqyrtuar seriozisht” mundësinë e pezullimit të habeas...
    Bota/Rajoni10 Maj 2025
    Në linjën urbane Durrës–Plepa (Plazh), një autobus u përfshi nga flakët gjatë kohës që ishte në lëvizje. Ngjarja ndodhi pranë sektorit Hekurudhave,...
    Të tjera
    Bota/Rajoni10 Maj 2025
    Nën moton “Marshi i engjëjve”, familjet e viktimave dhe të lënduarve në tragjedinë e 16 marsit në diskotekën “PULSE”, në Koçan organizojnë...
    Bota/Rajoni10 Maj 2025
    Ukraina dhe udhëheqësit evropianë kanë rënë dakord të shtunën për një armëpushim 30-ditor mes Rusisë dhe Ukrainës pa kushte nga 12 maji...
    Vip10 Maj 2025
    Ish-finalistja e edicionit të tretë të Big Brother VIP Kosova, Xheneta Fetahu ka bërë një paraqitje joshëse së fundmi. E veshur me...
    Bota/Rajoni10 Maj 2025
    India dhe Pakistani kanë rënë dakord për një armëpushim të plotë dhe të menjëhershëm. India po i përmbahet marrëveshjes, por ushtria e...
    Lajme10 Maj 2025
    Eksperti i sigurisë, Burim Ramadani, në një prononcim për Radio Evropën e Lirë ka folur për numrin në rritje të personave që...
    Bota/Rajoni10 Maj 2025
    Një ngjarje e rëndë ka ndodhur ditën e sotme në fshatin Holta, gjatë punës në një kantier ndërtimi. Një masiv dheu është...
    -->

    FrontOnline, © 2025 Të gjitha të drejtat e rezervuara.