Bota/Rajoni

Vuçiq në të njëjtën ditë dialogon dhe provokon me ushtri

Vuçiq në të njëjtën ditë dialogon dhe provokon me ushtri
11:10 | 15 Qershor 2021

Ndërsa sot kanë rifilluar bisedimet mes Kosovës dhe Serbisë në Bruksel mes kryeministrit të Kosovës Albin Kurti dhe presidentit serb Aleksander Vuçiç, ky i fundit ka zgjedhur edhe një metodë tjetër përveç dialogut, pasi sot në bazë të urdhrit të tij, ai ka mobilizuar 15.000 ushtarë, për të filluar stërvitjet “Rrufeja 2021”.

“Bazuar në direktivën e Komandantit Suprem të Ushtrisë Serbe dhe Presidentit të Republikës, Aleksandar Vuçiq, kontrolli i gatishmërisë luftarake të komandave, njësive dhe institucioneve të Ushtrisë Serbe filloi herët këtë mëngjes”, u tha në fillim të njoftimit për shtyp, transmeton FrontOnline.

Inspektimi, siç thuhet më tej, është duke u realizuar për të përcaktuar nivelin e arritur të aftësive operacionale të Shtabit të Përgjithshëm, komandave dhe njësive për ekzekutimin e detyrave të caktuara, dhe filloi duke alarmuar më shumë se 15,000 pjesëtarë të Ushtrisë Serbe.

Aktivitetet e këtij mëngjesi janë një hyrje në Ushtrimin e Përbashkët Taktik me Qitje Luftarake “Lightning Strike 2021”, i cili po kryhet në tetë vende në të gjithë Republikën e Serbisë nga njësitë e Ushtrisë, Forcave Ajrore dhe Mbrojtjes Ajrore, Brigada e 72-të e Operacioneve Speciale dhe Brigada 63 e Parashutës./FrontOnline/

 

Cilësi, gatim dhe shpërblim

Të tjera