“Franca e ka njohur pavarësinë e Kosovës, por ajo që është e rëndësishme për Serbinë është që presidenti i saj, Emanuel Macron, jo vetëm që nuk ka dëshirë të imponojë pikëpamje të tilla, por tregon një dëshirë për ta dëgjuar palën serbe, gjë që zakonisht nuk ndodh me shumë vende që kanë njohur Kosovën”, tha sot presidenti i Serbisë, Aleksandar Vuçiq, raporton Tanjug.

Vuçiq në këtë mënyrë i është përgjigjur deklaratave se pritjet e qytetarëve nga Franca lidhur me zgjidhjen e problemit me Kosovën nuk duhet të shtohen.

“Sa i përket Kosovës dhe Metohisë, ne së pari nuk duhet të ushqejmë shpresa të rreme për njerëzit tanë dhe të themi se sa gjëra të mrekullueshme janë në Kosovë dhe Metohi. Ata nuk janë dhe nuk do të jenë. Kushdo që thotë se janë, është gënjeshtar. Ne duhet të luftojmë për interesat e njerëzve tanë, për të luftuar për sigurinë e tyre dhe për t’i mbrojtur interesat e Serbisë”, tha Vuçiq, i cili shtoi se nuk është e vërtetë që “gjërat në Kosovë dhe Metohi do të jenë ‘mjaltë dhe qumësht’”.

Vuçiq gjithashtu vuri në dukje se ata që kritikojnë sot politikën e Serbisë lidhur me Kosovën “folën ndryshe me përfaqësuesit perëndimorë”.