Polici Muhamed Lika, u vra mbrëmë në Kaçanik.
Lidhur me ngjarjen tragjike ka reaguar kryetari i kësaj komune, Besim Ilazi.
Ilazi u shpreh se është i tronditur nga vdekja e ish-ushtarit të UÇK-së.
Ai i shprehu ngushëllime familjes së të ndjerit.
“Me këtë rast në emër tim dhe të institucioneve komunale, ndajmë ngushëllimet më të sinqerta për familjen, miqtë, kolegët nga Policia e Kosovës dhe gjithë qytetarët e Komunës së Kaçanikut e mbarë Kosovës”, deklaroi Ilazi.
“Lutemi që raste të tilla të mos përsëriten asnjëherë, e shpirti i tij pushoftë i qetë në paqen e paskajme”, theksoi ai.
