Myftiu i Kosovës, Naim Tërnava në manifestimin qendror për festën e Fitër Bajramit në Xhaminë e Madhe në Prishtinë, foli edhe te vrasjet e ditëve të fundit në Kosovë.
Myftriu Tërnava u bëri thirrje qytetarëve që të respektohet jeta e gjithsecilit.
“Humbën jetën katër qytetarë të vendit tonë që është shqetësim dhe brengosje për të gjithë ne. Në islam vrasja është akt i ndaluar, i shëmtuar dhe një nga gjynahet më të mëdha. Kush vret një njeri pa të drejtë është sikurse të kishte vrarë gjithë njerëzimin”, theksoi Tërnava.
Sipas tij, të gjithë duhet të jenë unikë për të treguar paqe dhe solidarizim./RTK
