Ideja e krijimit të një Super Lige europiane vijon të mbetet prezente, pavarësisht kundërshtimit në mënyrë kategorike nga ana e UEFA-s. Disa nga klubet më të mëdha të Kontinentit të Vjetër duket se janë pajtuar me idenë për të organizuar një tjetër kompeticion, që pritet të zëvendësojë Ligën e Kampionëve, ku përfitimet ekonomike do të jenë më të larta. Juventusi, Barcelona, Mançester Siti, Real Madridi, Milani apo edhe emra të tjerë futbollit vazhdojnë ti mëshojnë idesë për krijimin e Superligës.

Për këtë arsye UEFA ka dalë ditën e sotme me një komunikatë për shtyp të shpërndarë në faqen e saj zyrtare. Qeveria e futbollit europian shpreh edhe një herë tjetër qendrimin kundër këtij kompeticioni dhe në krahë të saj pozicionohen edhe Federatat e Anglisë, Spanjës dhe Italisë. UEFA bën sërish me dije së në rast të shpalljes së Super Ligës së Europës, atëherë do të ndjekë të gjitha masat gjyqësore dhe sportive. Disa prej tyre janë se klubet pjesëmarrëse nuk do të lejohen të luajnë në kampionatet vendse dhe në ato ndërkombëtare, si dhe lojtarëve mund t’ju mohohet e drejta për përfaqësimin e Kombëtareve të tyre./Halit Delibashi-Sport Ekspres/

Deklarata e UEFA-s:

UEFA, Shoqata e Futbollit Anglez dhe Premier League, Federata Mbretërore Spanjolle e Futbollit (RFEF) dhe LaLiga, dhe Federata Italiane e Futbollit (FIGC) dhe Lega Serie A kanë mësuar se disa klube angleze, spanjolle dhe italiane mund të planifikojnë të shpallin krijimin e tyre të një të ashtuquajture Super League të mbyllur.

Nëse kjo do të ndodhte, ne dëshirojmë të përsërisim se ne, UEFA, FA Angleze, RFEF, FIGC, Premier League, LaLiga, Lega Serie A, por edhe FIFA dhe të gjitha shoqatat tona anëtare, do të qëndrojmë të bashkuar në përpjekjet tona për të ndaluar ky projekt cinik, një projekt që bazohet në interesin e vetë të disa klubeve në një kohë kur shoqëria ka nevojë për solidaritet më shumë se kurrë.

Ne do të shqyrtojmë të gjitha masat në dispozicion për ne, në të gjitha nivelet, si gjyqësore dhe sportive, në mënyrë që të parandalojmë që kjo të ndodhë. Futbolli bazohet në gara të hapura dhe merita sportive, nuk mund të jetë ndonjë mënyrë tjetër.

Siç është njoftuar më parë nga FIFA dhe gjashtë Konfederatat, klubet në fjalë do të ndalohen të luajnë në çdo kompeticion tjetër në nivel të brendshëm, evropian ose botëror dhe lojtarëve të tyre mund t’u mohohet mundësia për të përfaqësuar ekipet e tyre kombëtare.

Ne falënderojmë ato klube në vendet e tjera, veçanërisht klubet franceze dhe gjermane, të cilët kanë refuzuar të regjistrohen në këtë. Ne u bëjmë thirrje të gjithë dashamirëve të futbollit, mbështetësve dhe politikanëve, të bashkohen me ne në luftën kundër një projekti të tillë nëse do të shpallet. Ky interes i vazhdueshëm personal i disave ka vazhduar për shumë kohë. Mjaft është mjaft.